लिएण्डर पेस (भारत) व रॅडीक स्टेपानेक (चेक प्रजासत्ताक) यांना विम्बल्डन खुल्या टेनिस स्पर्धेतील पहिल्या फेरीत डॅनिएली ब्रासिअली व जोनाथन एरलिच या इटलीच्या जोडीचे आव्हान स्वीकारावे लागणार आहे. सोमवारी या स्पर्धेला सुरुवात होत आहे.
भारताच्या पुरव राजा व दिविज शरण यांना या स्पर्धेतील पदार्पणात निकोलस मोनरोई (अमेरिका) व सिमोन स्टॅडलर (जर्मनी) यांच्याशी खेळावे लागणार आहे. जर हा सामना भारतीय जोडीने जिंकला तर त्यांना भारताचा महेश भूपती व त्याचा ऑस्ट्रियन सहकारी ज्युलियन नॉवले यांच्याविरुद्ध खेळावे लागेल. भूपती व नॉवले यांना पहिल्या लढतीत लिओनाडरे मेयर (अर्जेटिना) व अल्बर्ट रामोस (स्पेन) यांच्याशी झुंजावे लागणार आहे. भारताचा रोहन बोपण्णा व त्याचा फ्रेंच सहकारी एडवर्ड रॉजर व्हॅसेलिन यांची जाकरे नेमीनेन (फिनलंड) व दिमित्री तुर्सुनोव्ह (रशिया) यांच्याशी गाठ पडणार आहे.