कुठल्याही दिमाखदार प्रदर्शनाविना भारतीय संघाने सॅफ फुटबॉल अजिंक्यपद स्पर्धेत पारंपरिक प्रतिस्पर्धी पाकिस्तानवर १-० मात केली. गतविजेत्या भारतीय संघातर्फे कोणीही चमकदार कामगिरी केली नाही. पाकिस्तानतर्फे झालेल्या स्वयंगोलच्या मदतीवर भारताने विजयी सलामी दिली. पाकिस्तानचा कर्णधार समर इशाकने १४व्या मिनिटाला गोलच्या प्रयत्नात स्वयंगोल केला. यामुळे सुनील छेत्रीच्या नेतृत्वाखाली खेळणाऱ्या भारतीय संघाला तीन गुण मिळाले. स्पर्धेतल्या दुसऱ्या लढतीत भारतीय संघाचा बांगलादेशशी मुकाबला असणार आहे.
