दुबईमध्ये सध्या पाकिस्तान आणि ऑस्ट्रेलियादरम्यान कसोटी मालिका सुरु आहे. या मालिकेतील दुसरा सामना सध्या शेख झायद स्टेडियमवर खेळवला जात आहे. याच सामन्यामध्ये पाकिस्तानचा अझर अलीच्या धावबाद होण्याचा व्हिडीओ सध्या चर्चेचा विषय ठरत आहे. तिसऱ्या दिवशीचा खेळ सुरु असताना अझर अली आणि अशद शफीक यांची जोडी मैदानावर जमली होती. ऑस्ट्रेलीयन गोलंदाज पीटर सिडेलने टाकलेला एक चेंडू स्लीपला टोलवला. चेंडू सीमेरेषेकडे जात असताना पाहून अली आणि शफीकने क्रीजदरम्यान धाव काढणे थांबवले. मात्र चेंडू सिमेरेषेजवळ जाऊन थांबला. चौकार गेल्याचे समजून अली क्रीजच्यामध्ये जाऊन शफीकशी चर्चा करु लागला. मात्र सीमेरेषेजवळ गेलेला चेंडू क्षेत्ररक्षण करणाऱ्या मिशेल स्टार्कने यष्टीरक्षक टीम पिनेकडे फेकला. टीमने चेंडू हातात येताच क्षणाचाही विलंब न लावता स्टॅम्पवरील बेल्स उडवल्या. या सर्व गोंधळात अली आणि शफीकला काय सुरु आहे याची काही कल्पनाच येत नव्हती. अखेर चौकार जाण्याऐवजी चेंडूची गती कमी होऊन तो मध्येच थांबल्याने आपण धावबाद झाल्याचे अलीच्या लक्षात आले आणि तो पव्हेलियनकडे चालू लागला. अलीच्या धावबाद होण्याचा व्हिडीओ सध्या सोशल मिडियावर व्हायरल होत असून अनेकजण पाकिस्तानी फलंदाजांची टर उडवताना दिसत आहेत. अनेकांनी अलीचे अशापद्धतीने बाद होणे मजेदार असल्याचे म्हणतच क्रिकेट खेळताना सतर्क राहण्याची गरज असल्याचे सांगितले. चौकार गेल्याचे समजून बाद झाला बाद होण्याची अनोखी पद्धत पाकिस्तानी क्रिकेटपटूंचा सर्वोत्तम खेळ Pakistan cricket at their very best! The two batsmen are chatting in the middle of the pitch, without realising that the ball hadn't reached the boundary Azhar Ali is run out for 64! #PAKvAUS pic.twitter.com/Ti5lwEnWUy — Deepak Raj Verma (@iconicdeepak) October 18, 2018 बाकी फलंदाजांसाठी आदर्श That run out is one for the ages. Azhar Ali has just raised the bar for his fellow batsmen to an unprecedented level. p.s - Coach Mickey Arthur's reaction. — Chetan Narula (@chetannarula) October 18, 2018 धावबाद होण्याची सर्वात बावळट पद्धत Deadset, the most stupid run out you will ever see in Test cricket. He thought he hit a 4, he didn't. — Tim Mackay(@timqfadvice) October 18, 2018 फक्त पाकिस्तानचे खेळाडू हे करु शकतात Azhar Ali run out Only Pakistan players can get out in this comic way..#AUSvsPAK — Samy (@killysamy) October 18, 2018 सामन्याच्या दृष्टीने अलीच्या धावबाद होण्याने पाकिस्तानला मोठा फटका बसला. मैदानावर स्थिरावलेला अली अशा मजेदार पद्धतीने धावबाद झाला तेव्हा ६४ धावांवर खेळत होता. अलीच्या या चमत्कारीक पद्धतीने बाद होण्यामुळे समालोचकही गोंधळले.