News Flash

फैसलाबाद संघाच्या चॅम्पियन्स लीगमधील सहभागाविषयी पाकिस्तान क्रिकेट मंडळ चिंतेत

नियंत्रण रेषेवरील वाढत्या तणावग्रस्त परिस्थितीमुळे पाकिस्तान क्रिकेट मंडळा (पीसीबी)ची चिंता वाढली आहे. चॅम्पियन लीग ट्वेन्टी-२० क्रिकेट स्पर्धा

| August 12, 2013 12:35 pm

नियंत्रण रेषेवरील वाढत्या तणावग्रस्त परिस्थितीमुळे पाकिस्तान क्रिकेट मंडळा (पीसीबी)ची चिंता वाढली आहे. चॅम्पियन लीग ट्वेन्टी-२० क्रिकेट स्पर्धा १७ सप्टेंबरपासून सुरू होत असून, पाकिस्तानमधील फैसलाबाद व्होल्व्हज संघाचा सहभाग धूसर दिसत आहे.
पाकिस्तान क्रिकेट मंडळाच्या वरिष्ठ अधिकाऱ्यांनी दिलेल्या माहितीनुसार, ईदच्या सुटीनंतर आम्ही फैसलाबाद संघाच्या व्हिसा प्रक्रियेला प्रारंभ करणार आहोत. भारतीय प्रसारमाध्यमांमध्ये चॅम्पियन्स लीगमधील फैसलाबाद संघाच्या समावेशाबाबत साशंकता निर्माण करण्यात आली आहे. परंतु मला फैसलाबाद संघाच्या सहभागाविषयी कोणतीही समस्या वाटत नाही.
ते पुढे म्हणाले, ‘‘आम्ही भारतीय क्रिकेट नियामक मंडळा(बीसीसीआय)च्या संपर्कात आहोत. त्यामुळे फैसलाबाद संघाला व्हिसा मिळण्यात कोणतीही अडचण येणार नाही, अशी आशा आहे.’’
मिसबाह-उल-हक फैसलाबाद संघाचा कर्णधार आहे. तो झिम्बाब्वेहून थेट भारतात चॅम्पियन्स लीगसाठी रवाना होणार आहे. गतवर्षी बीसीसीआयने पाकिस्तानी संघाला चॅम्पियन्स लीगच्या पात्रता फेरीत सहभागासाठी परवानगी दिली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 12, 2013 12:35 pm

Web Title: pcb worried about teams participation in cl t20
Next Stories
1 महाराष्ट्राच्या खेळाडूंच्या दैनंदिन भत्त्यात वाढ
2 सौम्यजित, मनिकाला जेतेपद ब्राझील खुली टेबल टेनिस स्पर्धा
3 व्होरा, वामन, भोईटे यांना सुवर्णपदक
Just Now!
X