15 August 2020

News Flash

पहिल्यावहिल्या कसोटीसाठी पंतप्रधान मोदींच्या अफगाणिस्तान संघाला शुभेच्छा

खेळाच्या माध्यमातून दोन्ही देशांमधले संबंध मजबूत होवोत - मोदी

मोदींच्या अफगाणिस्तान संघाला शुभेच्छा

आयसीसीकडून कसोटी क्रिकेट खेळण्याचा दर्जा मिळाल्यानंतर अफगाणिस्तानचा क्रिकेट संघ भारतात आपला पहिलावहिला कसोटी सामना खेळत आहे. कसोटी क्रमवारीत पहिल्या स्थानावर असलेल्या भारताविरुद्ध बंगळुरुच्या चिन्नास्वामी मैदानात हा सामना सुरु आहे. नाणेफेक जिंकून भारताचा कर्णधार अजिंक्य रहाणेने प्रथम फलंदाजी करण्याचा निर्णय घेतला. यानंतर चिन्नास्वामीच्या मैदानात छोटेखानी सोहळा पार पडला, ज्यामध्ये अफगाणिस्तानच्या सर्व खेळाडूंना मानचिन्ह देऊन त्यांचा गौरव करण्यात आला.

दुसरीकडे भारताचे पंतप्रधान नरेंद्र मोदी यांनीही पहिला कसोटी सामना खेळणाऱ्या अफगाणिस्तानच्या संघाला शुभेच्छा दिल्या आहेत. खेळाच्या माध्यमातून दोन्ही देशांमधले संबंध अधिक मजबूत होतील अशी आशा मोदी यांनी ट्विटरवर व्यक्त केली आहे.

नाणेफेकीनंतर मैदानात पार पडलेल्या सोहळ्यात भारताचे केंद्रीय क्रीडामंत्री राज्यवर्धनसिंह राठोडही उपस्थित होते. त्यांनीही अफगाणिस्तानच्या संघाला शुभेच्छा दिल्या आहेत.

विराट कोहलीच्या अनुपस्थितीत अजिंक्य रहाणेकडे भारतीय संघाचं नेतृत्व देण्यात आलेलं आहे. या कसोटी सामन्यासाठी भारतीय संघाने तिन्ही सलामीवीरांना आपल्या संघात जागा दिली आहे. इंग्लंड दौऱ्याला भारतीय संघ रवाना होण्यापूर्वी, या सामन्यात भारतीय संघ पूरेपूर सराव करुन घेणार आहे. त्यामुळे या सामन्यात कोण बाजी मारतं हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2018 10:18 am

Web Title: pm narendra modi congratulates people of afghanistan over historic first test against india
टॅग Narendra Modi
Next Stories
1 अखेरच्या सत्रात अफगाणिस्तानचं पुनरागमन, मात्र भारत सामन्यात अद्याप वरचढ! धवनची शतकी खेळी
2 अफगाणिस्तानला कमी लेखण्याची चूक करणार नाही – अजिंक्य रहाणे
3 न्यूझीलंडच्या महिला क्रिकेटपटूचा विश्वविक्रम; १७ व्या वर्षी वन डेत ठोकले द्विशतक
Just Now!
X