News Flash

Pro Kabaddi Season 7 – कोल्हापूरचा सिद्धार्थ देसाई पहिल्याच प्रयत्नात करोडपती, १ कोटी ४५ लाखांची बोली

सिद्धार्थ सातव्या पर्वातला आतापर्यंत सर्वात महागडा खेळाडू

Pro Kabaddi Season 7 – कोल्हापूरचा सिद्धार्थ देसाई पहिल्याच प्रयत्नात करोडपती, १ कोटी ४५ लाखांची बोली

प्रो-कबड्डीच्या सहाव्या हंगामात आपल्या धडाकेबाज खेळीने सर्वांनी मनं जिंकणाऱ्या सिद्धार्थ देसाईने, सातव्या हंगामात पहिली कोट्यवधी रुपयांची बोली मिळवण्याच मान पटकावला आहे. तेलगू टायटन्स संघाने सिद्धार्थसाठी तब्बल १ कोटी ४५ लाख रुपये मोजून त्याला आपल्या संघात दाखल करुन घेतलं आहे. सहाव्या हंगामात यू मुम्बाकडून खेळताना सिद्धार्थने सर्वोत्कृष्ट उदयोनमुख खेळाडूचा मान पटकावला होता. मात्र सातव्या हंगामासाठी मुम्बाने त्याला आपल्या संघात कायम न राखल्यामुळे सर्वांनाच आश्चर्याचा धक्का बसला होता.

पहिल्या दिवसाच्या लिलावादरम्यान सिद्धार्थची किंमत ३० लाख ठरवण्यात आली होती. मात्र तेलगू टायटन्सने सर्वांना मागे टाकत सिद्धार्थसाठी थेट १ कोटी रुपयांची बोली लावली. यानंतर तामिळ थलायवाज आणि तेलगू टायटन्स संघात संघर्ष पहायला मिळाला. मात्र तेलगू टायटन्सने १ कोटी ४५ लाखांच्या बोलीवर सिद्धार्थला आपल्या संघात कायम राखण्यात यश मिळवलं. यू मुम्बाकडे ‘फायनल बिड टू मॅच’ कार्डाद्वारे सिद्धार्थला आपल्या संघात कायम राखण्याची संधी होती. मात्र इथेही यू मुम्बाने सिद्धार्थला आपल्या संघात कायम राखण्यात स्वारस्य न दाखवल्यामुळे सिद्धार्थ देसाईचं तेलगू टायटन्सकडून खेळणं निश्चीत झालं आहे.

सिद्धार्थला आपल्या संघात घेणं हे ठरलेलं नव्हतं, मात्र बचावाची बाजू भक्कम झाल्यानंतर आम्ही सिद्धार्थला घेण्याचा प्लान केला आणि आम्ही त्यात यशस्वी झालो. तेलगू टायटन्सच्या संघमालकांनी लिलावानंतर याबाबतचं स्पष्टीकरण दिलं. त्यामुळे आगामी काळात सिद्धार्थ तेलगू टायटन्स संघाकडून कसा खेळ करतो हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 8, 2019 6:39 pm

Web Title: pro kabaddi season 7 kolhapur boy siddarth desai becomes first man to beat 1 corer bid will play from telgu titans
Next Stories
1 Video : स्टंपला चेंडू लागूनही बेल्स पडल्याच नाहीत; गोलंदाज हैराण
2 ICC World Cup 2019 : ‘या’ तारखेला होणार टीम इंडियाची घोषणा
3 सिद्धार्थ देसाईवर बोली न लावणं म्हणजे मूर्खपणा ठरेल – अभिषेक बच्चन
Just Now!
X