News Flash

Pro Kabaddi 7 : प्रदीप नरवालने रचला इतिहास, चढाईत ९०० गुणांचा टप्पा ओलांडणारा पहिला खेळाडू

हरयाणा स्टिलर्स संघाविरुद्ध केला पराक्रम

प्रो-कबड्डीच्या सातव्या हंगामात पटणा पायरेट्सच्या प्रदीप नरवालने ऐतिहासीक कामगिरीची नोंद केली आहे. घरच्या मैदानावर हरयाणा स्टिलर्स संघाविरुद्ध खेळत असताना प्रदीपने, प्रो-कबड्डीच्या इतिहासात चढाईमध्ये ९०० गुणांचा टप्पा ओलांडला आहे. अशी कामगिरी करणारा प्रदीप प्रो-कबड्डीमधला एकमेव चढाईपटू ठरला आहे. हरयाणा स्टिलर्स विरुद्ध सामन्यात प्रदीप नरवालने चढाईमध्ये १४ गुणांची कमाई केली.

सध्या तामिळ थलायवाज संघाचा राहुल चौधरी हा चढाईमध्ये प्रदीप नरवालच्या मागे आहे. राहुलच्या नावावर प्रो-कबड्डीच्या इतिहासात आतापर्यंत ८६४ गुण जमा आहेत. चढाईमध्ये सर्वाधिक गुण मिळवणाऱ्या खेळाडूंची नावं…..

१) प्रदीप नरवाल – पाटणा पायरेट्स – ९०३ गुण

२) राहुल चौधरी – तामिळ थलायवाज – ८६४ गुण

३) अजय ठाकूर – तामिळ थलायवाज – ७५२ गुण

४) दिपक निवास हुडा – जयपूर पिंक पँथर्स – ७५१ गुण

५) रोहित कुमार – बंगळुरु बुल्स – ५८६ गुण

अत्यंत कमी वयात प्रो-कबड्डीसारख्या व्यासपीठावर येऊन प्रदीपने दिग्गज खेळाडूंना टक्कर देत सर्वांना आपली दखल घ्यायला भाग पाडलं आहे. गेल्या काही हंगामातला प्रदीपचा फॉर्म पाहता, आगामी काळात तो चढाईमध्ये हजार गुणांचा टप्पाही लवकरच पार करेल अशी शक्यता वर्तवली जात आहे. मात्र चढाईत १४ गुणांची कमाई करुनही प्रदीप आपल्या संघाला विजय मिळवून देऊ शकला नाही. हरयाणा स्टिलर्सने पटणा पायरेट्स संघावर ३५-२६ ने मात केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2019 10:07 pm

Web Title: pro kabaddi season 7 patna pirets pradeep narwal becomes first raider to reach 900 rain point mark psd 91
Next Stories
1 पंतने मोडला धोनीचा विक्रम
2 विश्वचषकातील पराभवानंतर प्रशिक्षक मिकी आर्थर यांना निरोप
3 मला कोणालाही सिद्ध करुन दाखवण्याची गरज नाही, विराटने टीकाकारांना सुनावलं
Just Now!
X