News Flash

नागरिकांनी अधिक जबाबदार व्हावे, हीच निसर्गाची इच्छा’

करोनामुळे सध्या संपूर्ण क्रीडा विश्वावर संकट ओढावले आहे.

| March 19, 2020 02:31 am

(संग्रहित छायाचित्र)

नवी दिल्ली : करोनामुळे सध्या संपूर्ण क्रीडा विश्वावर संकट ओढावले आहे. परंतु याद्वारे पृथ्वीतलावरील सर्व नागरिकांनी अधिक जबाबदार व्हावे, अशीच निसर्गाची इच्छा असावी, असे मत भारताचा फिरकीपटू रविचंद्रन अश्विनने व्यक्त केली.

३३ वर्षीय अश्विनने बुधवारी ‘ट्विटर’वर करोनासंबंधित पोस्ट टाकून याद्वारे सर्वानी सावधानता बाळगण्याचे आवाहन केले आहे. ‘‘हा काळ नागरिकांसाठी परीक्षा पाहणारा आहे. निसर्ग तसेच समाजाने मानवाला आजपर्यंत दिलेल्या अनेक अमूल्य गोष्टींची आपल्याला किती जाणीव आहे, आपल्यातील माणुसकी अद्याप शिल्लक आहे की नाही, हे सर्व या खडतर काळातून निदर्शनास येईल. त्यामुळे आपण सर्वानी संयम बाळगून या परिस्थितीला सामोरे गेले पाहिजे,’’ असे अश्विन म्हणाला.

‘‘गेल्या आठवडय़ात मी चेन्नईतील काही स्थळांची भेट घेतली. परंतु येथील नागरिकांमध्ये अद्यापही करोनाविषयी आवश्यक ती जागरुकता निर्माण झालेली नाही, असे मला त्यावरून आढळले. तुम्ही जितके स्वत:ला गर्दीपासून दूर ठेवाल, तितके तुमच्या तब्येतीसाठीच सोयीस्कर ठरेल,’’ असेही अश्विनने सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2020 2:31 am

Web Title: r ashwin on coronavirus outbreak zws 70
Next Stories
1 धोनी-पंत-राहुल एकाच संघात खेळू शकतात, माजी सलामीवीराने सुचवला पर्याय
2 Coronavirus : सरकारी यंत्रणांना मदत करा, घराबाहेर पडणं टाळा ! अजिंक्य रहाणेचं चाहत्यांना आवाहन
3 कसोटी क्रिकेटसाठी संघाला मदत करा ! बांगलादेशची माजी मराठमोळ्या खेळाडूला विनंती
Just Now!
X