फ्रँक लॅम्पार्डच्या निर्णायक गोलच्या जोरावर मँचेस्टर सिटीने इंग्लिश प्रीमिअर लीग स्पर्धेत सदरलँडवर ३-२ असा निसटता विजय मिळवला. सलग दुसऱ्या आठवडय़ात मँचेस्टर सिटीने २-० अशी आघाडी मिळवली, मात्र सदरलँडने शानदार पुनरागमन करत बरोबरी केली. मात्र लॅम्पार्डने ७३व्या मिनिटाला गोल करत सिटीच्या विजयावर शिक्कामोर्तब केले. याया टौरूने ५७व्या मिनिटाला पहिला गोल केला. स्टीव्हन जोव्हेटिकने ६६व्या मिनिटाला दोन गोल करत सिटीला भक्कम आघाडी मिळवून दिली. मात्र सदरलँडतर्फे जॅक रोडवेलने ६८व्या तर अ‍ॅडम जॉन्सनने ७१व्या मिनिटाला गोल करत बरोबरी करून दिली. मात्र लॅम्पार्डने सदरलँडचे विजयाचे स्वप्न पूर्ण होऊ दिले नाही. या विजयासह सिटीने ४६ गुणांसह गुणतालिकेत दुसऱ्या स्थान पटकावले आहे. चेल्सी अव्वल स्थानी आहे. मँचेस्टर युनायटेड स्टोक सिटी यांच्यातील लढत १-१ अशी बरोबरीत सुटली. साऊदॅम्पटनने अर्सेनेलवर २-० अशी मात केली.
