08 March 2021

News Flash

महाराष्ट्राने आंध्रला रोखले

दमदार सलामीसह मोठय़ा धावसंख्येच्या दिशेने कूच करणाऱ्या आंध्र प्रदेशचा डाव महाराष्ट्राच्या गोलंदाजांनी रोखला. पहिल्या दिवसअखेर आंध्र प्रदेशने ३ बाद २३२ अशी मजल मारली.

| November 29, 2013 01:27 am

दमदार सलामीसह मोठय़ा धावसंख्येच्या दिशेने कूच करणाऱ्या आंध्र प्रदेशचा डाव महाराष्ट्राच्या गोलंदाजांनी रोखला. पहिल्या दिवसअखेर आंध्र प्रदेशने ३ बाद २३२ अशी मजल मारली. नाणेफेक जिंकून महाराष्ट्राने प्रथम गोलंदाजीचा निर्णय घेतला. मात्र आंध्रच्या श्रीकर भरत आणि प्रसंथ कुमार यांनी १२२ धावांची शतकी सलामी देत महाराष्ट्राच्या झटपट विकेट मिळवण्याच्या मनसुब्यांवर पाणी फेरले. डॉमिनिक जोसेफने भरतला त्रिफळाचीत केले. त्याने ११ चौकार आणि २ षटकारांसह ८२ धावा केल्या. ही जोडी फुटल्यानंतर आंध्र प्रदेशची धावगती मंदावली. गोनबटुला चिरंजीवी २२ धावांवर बाद झाला. शतकाकडे कूच करणाऱ्या प्रसंथला बाद करत जोसेफने महाराष्ट्राला आणखी एक यश मिळवून दिले. त्याने १४ चौकारांसह ८६ धावा केल्या. पहिल्या दिवसाचा खेळ संपला तेव्हा बोडापत्ती सुमंथ २४ तर मुंबईकर अमोल मुझुमदार ६ धावांवर खेळत आहेत. महाराष्ट्रातर्फे जोसेफने २ बळी घेतले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 29, 2013 1:27 am

Web Title: ranji trophy 2013 14 andhra pradesh take first day honours against maharashtra
Next Stories
1 विजय झोलकडे भारताचे नेतृत्व
2 फुटबॉलमध्येही फिक्सिंगची वाळवी : कथित आरोपांप्रकरणी तीन खेळाडू अटकेत
3 धवनच्या धडाक्यामुळे विजयाचे ‘शिखर’ सर
Just Now!
X