News Flash

रणजी करंडक क्रिकेट स्पर्धा : महाराष्ट्राच्या आघाडीच्या फळीला हादरे

महाराष्ट्राच्या अनुपम संकलेचाने शुभमसह आणखी तीन फलंदाजांना माघारी पाठवल्यामुळे हरियाणाचा डाव ४०१ धावांवर संपुष्टात आला.

 

पहिल्या डावात ४ बाद ८८ अशी अवस्था; हरियाणाची आघाडीच्या दिशेने वाटचाल

डावखुरा फिरकी गोलंदाज टिनू कुंडूने केलेल्या प्रभावी गोलंदाजीच्या बळावर हरियाणाने रणजी करंडक क्रिकेट स्पर्धेत ‘क’ गटातील सलामीच्या सामन्यात महाराष्ट्राची ४ बाद ८८ धावा अशी अवस्था केली आहे. दुसऱ्या दिवसअखेर महाराष्ट्र अद्याप ३१३ धावांनी पिछाडीवर असल्यामुळे हरियाणाने आघाडीच्या दिशेने वाटचाल केली आहे.

चौधरी लाल क्रिकेट स्टेडियमवर सुरू असलेल्या या सामन्यात सोमवारच्या ३ बाद २७९ धावांवरून पुढे खेळताना शतकवीर शुभम रोहिलाने १४२ धावांची खेळी साकारून हरियाणाला ४०० धावांचा पल्ला गाठून देण्यात मोलाची भूमिका बजावली. महाराष्ट्राच्या अनुपम संकलेचाने शुभमसह आणखी तीन फलंदाजांना माघारी पाठवल्यामुळे हरियाणाचा डाव ४०१ धावांवर संपुष्टात आला. सत्यजीत बच्छावनेही तीन बळी मिळवले.

प्रत्युत्तरात सलामीवीर ऋतुराज गायकवाड (७), स्वप्निल गुगळे (२१), राहुल त्रिपाठी (८) आणि चिराग खुराना (१८) यांनी एकामागोमाग एक रांग लावल्यामुळे महाराष्ट्राचा संघ अडचणीत सापडला आहे. दिवसअखेर कर्णधार नौशाद शेख २३, सत्यजीत पाच धावांवर खेळत आहेत.

संक्षिप्त धावफलक

हरियाणा (पहिला डाव) : १२४.२ षटकांत सर्व बाद ४०१ (शुभम रोहिला १४२, शुभम चौहान ११७; अनुपम संकलेचा ४/८३)

महाराष्ट्र (पहिला डाव) : ४४ षटकांत ४ बाद ८८ (नौशाद शेख खेळत आहे २३, स्वप्निल गुगळे २१; टिनू कुंडू २/२१)

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 11, 2019 12:49 am

Web Title: ranji trophy cricket tournament akp 94 4
Next Stories
1 राष्ट्रीय शालेय तलवारबाजी स्पर्धा : महाराष्ट्राला दुहेरी सर्वसाधारण विजेतेपद
2 IPL 2020 : मुंबई इंडियन्स लावू शकतं विराटवर बोली
3 टीम इंडियात सर्वात वाईट डान्सर कोण? खेळाडू म्हणतात…
Just Now!
X