आगामी इंडियन प्रीमियर लीगकरिता (आयपीएल) किंग्ज इलेव्हन पंजाबचे नेतृत्व अनुभवी ऑफ-स्पिनर रविचंद्रन अश्विनकडे सोपवण्यात आले आहे. या संघात युवराज सिंग आणि ख्रिस गेलसारख्या मातब्बर खेळाडूंचा समावेश आहे. आयपीएलच्या आठ हंगामांमध्ये चेन्नई सुपर किंग्जच्या दोन विजेतेपदांमध्ये अश्विनचा सिंहाचा वाटा होता. याशिवाय एक हंगाम तो पुणे सुपरजायंट्सकडून खेळला. या जबाबदारीविषयी तो म्हणाला, ‘‘गुणी खेळाडूंच्या संघाचे नेतृत्व मिळणे, हा एक प्रकारचा सन्मान असतो. येत्या आयपीएल हंगामात आम्ही सर्वोत्तम कामगिरी बजावू, याची खात्री आहे. हा माझ्यासाठी अभिमानास्पद क्षण आहे.’’
