News Flash

ऑस्ट्रेलिया-न्यूझीलंड मालिकेतील उर्वरित सामने रद्द

न्यूझीलंड सरकारने रविवारी मध्यरात्रीपासून परदेश प्रवासाचे निर्बंध लागू

ऑस्ट्रेलिया-न्यूझीलंड मालिकेतील उर्वरित सामने रद्द
(संग्रहित छायाचित्र)

करोनामुळे ऑस्ट्रेलिया आणि न्यूझीलंड यांच्यात सुरू असलेल्या चॅपेल-हॅडली एकदिवसीय मालिकेसाठी उर्वरित दोन सामने रद्द करण्यात आले आहेत. करोनामुळे परदेश प्रवासाचे नवे निर्बंध लागू होण्याआधी पाहुण्या संघाला मायदेशी परतण्याचे निर्देश देण्यात आले आहेत.

न्यूझीलंड सरकारने रविवारी मध्यरात्रीपासून परदेश प्रवासाचे निर्बंध लागू केले. त्यामुळे क्रिकेट ऑस्ट्रेलिया संघटनेने न्यूझीलंड संघाला त्वरित मायदेशी परतण्याचा सल्ला दिला. क्रिकेट ऑस्ट्रेलिया आणि न्यूझीलंड क्रिकेट मंडळ भविष्यात द्विराष्ट्रीय मालिकेची योजना आखतील, असे क्रिकेट ऑस्ट्रेलियाने निवेदनात म्हटले आहे.

या मालिकेतील पहिला एकदिवसीय सामना सिडनी क्रिकेट ग्राऊंडवर प्रेक्षकांविना झाला. सावधगिरीची उपाययोजना म्हणून वेगवान गोलंदाज लॉकी फग्र्युसनच्या ‘कोव्हिड-१९’च्या चाचण्या घेण्यात आल्या असून, अहवालानुसार त्यात कोणतीही लक्षणे आढळलेली नाहीत.

इंग्लंडची श्रीलंकेतील मालिका आणि दक्षिण आफ्रिकेची भारतामधील मालिका स्थगित करण्यात आल्यानंतर चॅपेल-हॅडली चषक ही करोनामुळे स्थगित करण्यात आलेली अखेरची क्रिकेट मालिका आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 15, 2020 12:11 am

Web Title: remaining matches in the australia new zealand series are canceled abn 97
Next Stories
1 देशातील सर्व फुटबॉल स्पर्धा स्थगित
2 इंडियन सुपर लीग फुटबॉल : अ‍ॅटलेटिको डे कोलकाताला तिसरे विजेतेपद
3 महिला क्रिकेटची प्रगतीकडे वाटचाल?
Just Now!
X