04 July 2020

News Flash

ललित मोदींवरील आरोपांबाबत महिनाअखेर अहवाल सादर होणार

आयपीएलचे माजी प्रमुख ललित मोदी यांच्याविरुद्ध सुरू असलेल्या आर्थिक गैरव्यवहारांबाबत भारतीय क्रिकेट नियामक मंडळाने नियुक्त केलेली शिस्तपालन समिती या महिनाअखेपर्यंत आपला अहवाल सादर करणार आहे.

| April 25, 2013 03:50 am

आयपीएलचे माजी प्रमुख ललित मोदी यांच्याविरुद्ध सुरू असलेल्या आर्थिक गैरव्यवहारांबाबत भारतीय क्रिकेट नियामक मंडळाने नियुक्त केलेली शिस्तपालन समिती या महिनाअखेपर्यंत आपला अहवाल सादर करणार आहे.
त्रिसदस्य समितीने गेल्या दोन दिवसांत बीसीसीआयचे कायदेशीर सल्लागार तसेच मोदी यांच्यातर्फे कायदेशीर बाजू मांडणाऱ्यांची बाजू ऐकून घेतली. या समितीने २९ एप्रिल रोजी पुन्हा या दोघांची बाजू ऐकून घेण्याचे ठरविले आहे. मोदी यांना जिवे मारण्याच्या धमक्या मिळत असल्यामुळे ते सध्या लंडन येथे राहात आहेत. त्यांच्या कायदेशीर सल्लागाराने उलटतपासणी व आणखी काही पुरावे देण्यासाठी आणखी थोडा अवधी मागितला आहे. त्यांचे वकील मेहमूद अब्दी यांनी सांगितले, जवळ जवळ २५ हजार पानांचा हा अहवाल असल्यामुळे आम्हाला त्याचा सखोल अभ्यास करण्यासाठी आणखी थोडा अवधी लागणार आहे. आमच्या अशिलांना जी कारणे दाखवा नोटीस पाठविण्यात आली आहे. त्याचे आम्ही पाठविलेले उत्तर या समितीने विलंब झाला या कारणास्तव अमान्य केले आहे. आम्ही आमची बाजू मांडण्याचा खूप प्रयत्न केला मात्र आम्हास काहीही दाद दिली जात नाही.
त्रिसदस्य समितीत अरुण जेटली, ज्योतिरादित्य शिंदे, चिरायू अमीन यांचा समावेश आहे. आयपीएल स्पर्धेबाबत आर्थिक गैरव्यवहारांचा आरोप करीत मोदी यांना जुलै २०१०मध्ये आयपीएल प्रमुख पदावरून डच्चू देण्यात आला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 25, 2013 3:50 am

Web Title: report on lalit modi in this month
टॅग Ipl,Lalit Modi
Next Stories
1 कल्पेश कोळी क्रिकेट स्पर्धा ४ मेपासून
2 सायना, सिंधूची विजयी सलामी
3 पुणे, जळगाव, नागपूरची विजयी सुरुवात
Just Now!
X