News Flash

यो-यो फिटनेस टेस्ट नापास झाल्यामुळे संजू सॅमसन भारत अ संघातून बाहेर, सुत्रांची माहिती

भारत अ संघ इंग्लंडला रवाना

राजस्थानकडून संजूने फलंदाजीत आपली चमक दाखवली आहे

मुंबई मिरर या वृत्तपत्राने दिलेल्या माहितीनुसार, भारत अ संघाचा खेळाडू संजू सॅमसन यो-यो फिटनेस टेस्ट नापास झाल्यामुळे संघातून बाहेर पडला आहे. संजूची इंग्लंड दौऱ्यासाठी भारत अ संघाकडून निवड झाली होती. श्रेयस अय्यरच्या नेतृत्वाखाली भारत अ संघ इंग्लंडला रवाना झाला असून, संजू सॅमसन संघासोबत गेला नसल्याची माहिती समोर येते आहे.

भारतीय संघात स्थान मिळवण्यासाठी बीसीसीआयने सर्व खेळाडूंसाठी यो-यो फिटनेस टेस्ट अनिवार्य केली आहे. इंग्लंड दौऱ्यात टी-२० आणि वन-डे सामन्यांसाठी संजू सॅमसनची संघात निवड झाली होती. मात्र यो-यो टेस्टमध्ये संजूने १६.१ गुण नोंदवले, त्याची ही कामगिरी इंग्लंड दौऱ्यासाठी पुरेशी नसल्यामुळे त्याला संघातून वगळण्यात आलेलं आहे.

यंदाच्या आयपीएलच्या हंगामात संजू सॅमसनने राजस्थान रॉयल्सकडून खेळताना आश्वासक कामगिरी केली होती. हंगामाअखेरीस संजूच्या खात्यात ४४१ धावा जमा होत्या, यामध्ये ३ अर्धशतकी खेळींचाही समावेश होता. मात्र चमकदार कामगिरी करुनही यो-यो फिटनेस टेस्ट पास न झाल्यामुळे संजूची संधी हुकली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2018 1:26 pm

Web Title: reports sanju samson fails yo yo test out of india a tour
टॅग : Bcci,India A,Sanju Samson
Next Stories
1 स्कॉटलंडने रचला इतिहास, वनडेतील नंबर एक संघाला पराभवाचा धक्का
2 नेहमी माझ्यावर अन्याय का होतो?? महाराष्ट्राचा कुस्तीपटू राहुल आवारेची उद्विग्न प्रतिक्रीया
3 सुनील छेत्रीचा ‘डबल धमाका’, मेसीच्या विक्रमाशी केली बरोबरी
Just Now!
X