विश्वचषकात आज शनिवारी भारताचा सामना अफगाणिस्तानविरोधात होणार आहे. या सामन्यापूर्वी रोहित शर्माने पत्नी रितीका आणि मुलगी समायरासोबतचा एक फोटो सोशल मीडियावर पोस्ट केला आहे. My two stunners असे कॅपशनही या फोटोला रोहितने दिले आहे. अफगाणिस्तानविरोधातील सामन्यापूर्वी भारतीय खेळाडूंनी पत्नी आणि आपल्या कुटंबीयांसोबत वेळ घालवला. पाकिस्तान विरोधात रोहितने दमदार शतक झळकावले होते. या शतकाचे श्रेय त्यानं मुलीला दिले होते. मी नुकत्याच एका मुलीचा बाप बनलो आहे. त्यामुळे सध्या मी जो काही चांगल्या फॉर्ममध्ये आहे त्याचं श्रेय माझ्या मुलीचं आहे. आयपीएलचा हंगाम यशस्वीरित्या पूर्ण करुन आम्ही परतलो आहोत, याचाही तुमच्या खेळीसाठी फायदा होतो. असे तो म्हणाला होता. My two stunners @ritssajdeh pic.twitter.com/Oezkz71Kdl — Rohit Sharma (@ImRo45) June 21, 2019 विश्वचषकात रोहित शर्माने दोन शतकांसह तीनशेपेक्षा जास्त धावा केल्या आहे. भारताकडून सर्वाधिक धावा रोहित शर्माच्या नावावर आहेत. शिखर धवनच्या अनुपस्थिती रोहित आणि केएल राहुल सलामिवीराची भूमिका बजावत आहेत. साऊदम्पटनच्या द रोज बाऊल स्टेडियमवर भारत आणि अफगाणिस्तान हे आशियाई संघ विश्वचषकात पहिल्यांदाच एकमेकांशी भिडणार आहेत. चार सामन्यांत तीन विजय मिळवून मनोधैर्य उंचावलेल्या भारताशी भिडताना हा सामना एकतर्फी होण्याची चिन्हे आहेत.