संपूर्ण जगात सध्या करोनाने धुमाकूळ घातला आहे. करोनामुळे भारत सुमारे अडीच महिने लॉकडाउन होता. मात्र आता हळूहळू लॉकडाउनचे निर्बंध शिथिल करण्यात आले आहेत. असे असले तरी अद्याप क्रिकेटचा हंगाम सुरू झालेला नाही. त्यामुळे क्रिकेटपटू घरातच आहे. या काळात आपल्या चाहत्यांशी संवाद साधण्यासाठी अनेक खेळाडू लाईव्ह व्हिडीओ चा आधार घेत आहेत. अनेक खेळाडू आपले जुने फोटो पोस्ट करून आठवणींचा आनंद लुटत आहेत. मुंबईचा हिटमॅन घरातच आपल्या कुटुंबासोबत वेळ घालवतो आहे, पण तरीदेखील रोहित शर्मा एक खास गोष्ट या लॉकडाउनमध्ये मिस करतोय. लॉकडाउन काळात सर्व भारतीय खेळाडू घरात राहून आपल्या परिवारासोबत वेळ घालवत आहेत. रोहित शर्माही आपली मुलगी समायरासोबत खेळतानाचे फोटो, व्हिडीओ सोशल मीडियावर शेअर करत असतो. रोहितने नुकताच आपल्या इन्स्टाग्राम अकाऊंटवर समायरासोबत खेळताना एक छोटासा व्हिडीओ पोस्ट केला होता. त्यानंतर आता रोहितने आणखी एक व्हिडीओ पोस्ट केला आहे. या व्हिडीओमध्ये रोहित मैदानावर गोलंदाजांची धुलाई करत असून उत्तुंग असे षटकार लगावत आहे. त्या व्हिडीओखाली रोहितने लिहिले आहे की मी 'ही' गोष्ट मिस करतो आहे. View this post on Instagram Miss doing this. A post shared by Rohit Sharma (@rohitsharma45) on Jun 11, 2020 at 1:24am PDT दरम्यान, गेले काही दिवस रोहित विविध विषयांमुळे चर्चेत होता. त्याच्या मुलीसोबत खेळतानाच्या त्याच्या व्हिडीओला खूप लाइक्स आणि कमेंट मिळाले होते. तसेच, भारताचे तीन सलामीवीर एकत्र एका लाईव्ह व्हिडिओमध्ये दिसले. मयंक अग्रवालच्या लाईव्ह चॅट शो मध्ये रोहित शर्मा आणि शिखर धवन हे दोघे सहभागी झाले. त्यावेळी रोहितबद्दल चाहत्यांना अनेक मजेशीर गोष्टी समजल्या. याशिवाय युवराज सिंगने लाइव्ह चॅटमध्ये चुकून अगदी हलकेफुलकेपणाने जातीवाचक शब्द वापरला होता, तेव्हाही तो रोहितशीच संवाद साधत होता. त्या घटनेनंतर युवराजसोबतच काहींनी रोहितवरही टीका केली होती.