ख्रिस्तियानो रोनाल्डो आणि मिरालेम पॅनिक यांनी नोंदवलेल्या गोलच्या बळावर युव्हेंटसने बोलोग्नाचा २-१ असा पराभव करून सीरी ए चषक फुटबॉल स्पर्धेतील गुणतालिकेत अग्रस्थान मिळवले आहे. या आठवडय़ात सप्तशतकी गोलची नोंद करणाऱ्या ३४ वर्षीय रोनाल्डोने १९व्या मिनिटाला ७०१वा गोल साकारला. त्यानंतर दुसऱ्या सत्रात आठव्या मिनिटाला पॅनिकने युव्हेंटसच्या खात्यावर दुसऱ्या गोलची भर घातली. पहिल्या सत्रात बचावपटू डॅनिलो लारांगेरियाने २६व्या मिनिटाला गोल करीत बोलोग्नाला बरोबरी साधून दिली होती.