आयपीएलच्या आगामी हंगामासाठी विराट कोहलीच्या रॉयल चॅलेंजर्स बंगळुरु संघाने आपल्या प्रशिक्षण वर्गात एका नवीन सदस्याची भरती केली आहे. नवनीता गौतम या संघाच्या मसाज थेरपिस्ट म्हणून काम पाहणार आहेत. आयपीएलच्या इतिहासात प्रशिक्षण वर्गात महिलांचा समावेश होण्याची ही पहिलीच वेळ ठरली आहे. RCB ने आपल्या ट्विटर अकाऊंटवर यासंदर्भात घोषणा केली आहे. Navnita Gautam joins us as a sports massage therapist for the 13th edition of IPL. She will work to identify, and implement massage therapy to help the team prepare and recover better..We are proud to be the first IPL team to have a woman support staff member..#PlayBold pic.twitter.com/Y7CFR0WKDB— Royal Challengers (@RCBTweets) October 17, 2019 आयपीएलच्या आतापर्यंतच्या हंगामांमध्ये रॉयल चॅलेंजर्स बंगळुरु संघाला एकही विजेतेपद पटकावता आलेलं नाहीये. एकदा विराट कोहलीच्या नेतृत्वाखाली संघ अंतिम फेरीत दाखल झाला होता, मात्र त्याला विजेतेपद पटकावण्यात अपयश आलं होतं. नवनीता गौतम यांनी याआधी अनेक राष्ट्रीय क्रीडा संघ आणि बास्केटबॉल संघांच्या मसाज थेरपिस्ट म्हणून काम केलं आहे. त्यामुळे आगामी हंगामात बंगळुरुचा संघ कशी कामगिरी करतो हे पाहणं महत्वाचं ठरणार आहे.
