सचिन तेंडुलकरची मुलगी सारा तेंडुलकर ही पुन्हा एकदा चर्चेत आली आहे. पण त्यापाठीमागे कोणतेही विवादास्पद कारण नाही. तर एक चांगले आणि अभिमानास्पद कारण आहे. युनिव्हर्सिटी ऑफ लंडनमधून साराने मेडिसिनची पदवी मिळवली आहे. सचिनने मुलगी सारा हिच्या पदवीदान कार्यक्रमानंतर तिच्या आणि पत्नी अंजलीबरोबरचा फोटो शेअर केला आहे. पदवीदान कार्यक्रमाचे फोटो सारानेही आपल्या ट्विटवर अकाऊंटवरून शेअर केले आहेत. पण सचिनने मात्र शेअर केलेल्या पोस्टमध्ये एका वडिलांना आपल्या मुलीबाबत वाटणारा अभिमान स्पष्टपणे दिसत आहे.

सारा मला आणि तुझ्या आईला तुझा खूप अभिमान वाटतो, असा संदेश सचिनने साराच्या पदवीदान समारंभानंतर दिला आहे.

धीरुभाई अंबानी इंटरनॅशनल स्कुल या शाळेतून साराने आपले शालेय शिक्षण पूर्ण केले होते. त्यानंतर शालेय शिक्षणाची पदवी मिळवून पुढील पदवी मिळवण्यासाठी सारा लंडनला गेली होती.