News Flash

सचिनकडून सेहवागला वाढदिवसाच्या ‘उलट्या’ शुभेच्छा

सेहवागच्या ३९ व्या वाढदिवसानिमित्त सचिनचं हटके ट्विट

छायाचित्र सौजन्य- सचिन तेंडुलकर ट्विटर

सचिन तेंडुलकर आणि वीरेंद्र सेहवाग यांची मैत्री संपूर्ण क्रिकेट जगाताला माहित आहे. सचिन-सेहवाग जोडीने भारतीय संघासाठी डावाची सुरुवात करत अनेकदा संघाच्या विजयात मोलाची भूमिका बजावली आहे. यानंतर सेहवागची जोडी गौतम गंभीरसोबत जमली आणि सचिन मधल्या फळीत खेळू लागला. मात्र मैदानातील जोडी तुटली असली, तरीही सेहवाग आणि सचिनची मैत्री आजही कायम आहे. त्यामुळेच कायमच हटके ट्विट करणाऱ्या सेहवागला सचिनने अतिशय हटके स्टाईलमध्ये शुभेच्छा दिल्या आहेत.

सचिनने वीरेंद्र सेहवागला त्याच्या ३९ व्या वाढदिवसानिमित्त ट्विटरवरुन शुभेच्छा दिल्या आहेत. ‘वाढदिवसाच्या शुभेच्छा वीरु ! तुझ्या नव्या वर्षाची सुरुवात अगदी छान होवो. मैदानावर मी जेव्हा तुला काही सांगितले, तेव्हा तू कायम त्याच्या उलट केलंस. त्यामुळेच आता मीदेखील तेच करतोय,’ असे ट्विट सचिनने केले आहे. सचिनने हा सर्व मजकूर उलटा लिहिला आहे. त्यामुळेच सचिनच्या शुभेच्छा अगदी हटके ठरल्या आहेत.

Next Stories
1 युरोप, आफ्रिकेच्या खिंडीत आशियाची पताका!
2 Asia Cup Hockey – जुन्या पराभवाची फिट्टमफाट, भारताची मलेशियावर ६-२ ने मात
3 भारतीयांसोबत परदेशी क्रिकेटपटूही रंगले दिवाळीच्या रंगात
Just Now!
X