29 March 2020

News Flash

Denmark Open Badminton – सायना नेहवालची अकाने यामागुचीवर मात; उपांत्यपूर्व फेरीत धडक

४ वर्षातला सायनाचा यामागुचीवर पहिलाच विजय

भारताची अनुभवी बॅडमिंटनपटू सायना नेहवालने जागतिक क्रमवारीत दुसऱ्या क्रमांकावर असलेल्या अकाने यामागुचीला पराभवाचा धक्का दिला आहे. गेल्या ४ वर्षांमध्ये सायनाने यामागुचीला मात देण्याची ही पहिलीच वेळ ठरली आहे. अवघ्या ३६ मिनीटांमध्ये सायनाने यामागुचीला २१-१५, २१-१७ अशी मात देत उपांत्यपूर्व फेरीत प्रवेश केला. या स्पर्धेत उपांत्यपूर्व फेरीत सायनाची गाठ जपानच्याच नोझुमी ओकुहाराशी पडणार आहे.

आतापर्यंत यामागुचीने ६ वेळा सायनावर मात केली आहे. २०१४ साली झालेल्या चीन ओपन स्पर्धेत सायनाने यामागुचीवर मात केली होती. यानंतर सायनाचा यामागुचीवरचा हा दुसरा विजय ठरला आहे. सुरुवातीच्या सेटमध्ये सायना ०-४ ने पिछाडीवर पडली होती, मात्र सायनाने जोरदार कमबॅक करत सामन्यात १०-१० अशी बरोबरी साधली. पहिल्या सेटमध्ये मध्यांतरानंतर सायनाने आक्रमक खेळ करत यामागुचीला धक्का दिला. यानंतर दुसऱ्या सेटमध्येही सायनाने यामागुचीच्या तोडीस तोड खेळ करत आपल्या विजयावर शिक्कामोर्तब केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 18, 2018 8:51 pm

Web Title: saina nehwal beats akane yamaguchi first time in four years through to quarter finals in denmark
टॅग Saina Nehwal
Next Stories
1 विराटने डिझाईन केले बूट; जाणून घ्या किंमत
2 देवधर चषकासाठी संघाची घोषणा; अजिंक्य रहाणेकडे भारत क संघाचं नेतृत्व
3 हो, माझं चुकलंच! पाकिस्तानच्या फिरकीपटूनी दिली फिक्सिंगची कबुली
Just Now!
X