News Flash

महेंद्रसिंह धोनीच्या फार्म हाऊसवर घडलं ‘मैत्री’चं अतुट दर्शन..! पाहा व्हिडिओ

धोनीची पत्नी साक्षीने 'हा' व्हिडिओ इन्स्टाग्रामवर शेअर केला आहे.

महेंद्रसिंह धोनीचे फार्महाऊस

आयपीएल २०२१ पुढे ढकलल्यानंतर चेन्नई सुपर किंग्जचा कर्णधार महेंद्रसिंह धोनी आपल्या रांचीच्या घरी वेळ घालवत आहे. सेंद्रिय शेतीव्यतिरिक्त धोनी रांचीतील आपल्या फार्म हाऊसवर आपल्या पाळीव प्राण्यांबरोबर वेळ घालवत आहे. वेळोवेळी त्याची पत्नी साक्षी धोनी घर आणि फार्म हाऊसचे फोटो शेअर करत असते.

अलीकडेच धोनीने स्कॉटलंडमधून शेटलंड पोनी जातीचा हा घोडा विकत घेतला. साक्षीने इन्स्टाग्रामवर एक व्हिडिओ शेअर केला आहे, ज्यामध्ये हा घोडा घरातील पाळीव कुत्र्यांसह खेळत आहे. या व्हिडिओतून धोनीचे प्राणी आणि हा नवीन घोडा यात मैत्री झाल्याचे दिसून येत आहे.

हेही वाचा – लय भारी..! टीम इंडियाच्या सरावाचा ‘हा’ जबरदस्त व्हिडिओ एकदा पाहाच

 

 

View this post on Instagram

 

A post shared by Sakshi Singh Dhoni (@sakshisingh_r)

दुचाकीव्यतिरिक्त धोनीला पाळीव प्राणीही खूप आवडतात. काही धोनीने हा शेटलंड पोनी जातीचा घोडा परदेशातून मागवला होता. २ वर्षांचा हा घोडा जगातील सर्वात लहान जातींपैकी एक आहे. त्याची उंची फक्त ३ फूट आहे. धोनीकडे आधीपासूनच चेतक नावाचा घोडा आहे, जो ११ महिन्यांचा आहे. काही दिवसांपूर्वी साक्षीने एक व्हिडिओ शेअर केला होता ज्यामध्ये धोनी चेतकसोबत वेळ घालवताना दिसला होता. रांची येथील महेंद्रसिंग धोनीच्या साम्बो फार्म हाऊसमध्ये घोडेस्वारीची तयारी जोरात सुरू आहे. यासाठी ५-६ घोडे बाहेरून आणावे लागतात.

हेही वाचा – दुर्दैवच अजून काय! दुखापतीमुळे केन विल्यमसन गमावणार पहिला नंबर

धोनी हा भारताकडून सर्वाधिक सामने जिंकणारा कर्णधार आहे. त्याने ३३२ सामन्यांचे नेतृत्व केले. यापैकी त्याने १७८ सामन्यात विजय मिळवला आहे.  धोनीने आयपीएल टीम चेन्नई सुपर किंग्जचा तीन विजेतेपदे मिळवून दिली आहेत. याशिवाय त्यांनी चॅम्पियन्स लीग टी-२०चे विजेतेपदही जिंकले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 10, 2021 12:42 pm

Web Title: sakshi dhoni shares video of his new horse playing with dogs adn 96
Next Stories
1 लय भारी..! टीम इंडियाच्या सरावाचा ‘हा’ जबरदस्त व्हिडिओ एकदा पाहाच
2 दुर्दैवच अजून काय! दुखापतीमुळे केन विल्यमसन गमावणार पहिला नंबर
3 IPL : कोलकाता नाइट रायडर्स संघ आपल्याच कर्णधाराची करणार उचलबांगडी?
Just Now!
X