गोल्ड कोस्टमध्ये सुरु असलेल्या राष्ट्रकुल क्रीडा स्पर्धांमध्ये सलग दुसऱ्या दिवशी वेटलिफ्टर्सनी भारताच्या झोळीत पदक टाकलं आहे. पहिल्या दिवशी मीराबाई चानू आणि गुरुराजा यांनी भारताला अनुक्रमे सुवर्ण आणि रौप्यपदक मिळवून दिलं. यानंतर दुसऱ्या दिवशी भारताच्यात संजिता चानूने ५३ किलो वजनी गटात भारताला आणखी एका सुवर्णपदकाची कमाई करुन दिली.

स्नॅच प्रकारात संजिता चानूने ८४ किलो वजन उचलत नवीन विक्रमाची नोंद केली. यानंतर क्लीन अँड जर्क प्रकारात संजिता चानूने १०८ किलो वजन उचलत सुवर्णपदकावर आपलं नाव कोरलं. संजिताच्या विजयानंतर माजी क्रिकेटपटू विरेंद्र सेहवागसह सर्व स्तरातून तिच्या कामगिरीचं कौतुक करण्यात येत आहे.