News Flash

Ind vs Eng: “ही अभिमानाची नव्हे, शरमेची बाब”: पंतप्रधान मोदींवर संतापले नेटीझन्स

पाहा नक्की काय आहे प्रकरण...

Ind vs Eng: “ही अभिमानाची नव्हे, शरमेची बाब”: पंतप्रधान मोदींवर संतापले नेटीझन्स

जगातील सर्वात मोठे क्रिकेट स्टेडियम असे अशी ओळख असलेल्या गुजरातच्या मोटेरा येथील सरदार वल्लभभाई पटेल स्टेडियमला पंतप्रधान नरेंद्र मोदी यांचं नावं देण्यात आलं. पुनर्विकसित करण्यात आलेल्या या मैदानावर कसोटी मालिकेतील उर्वरित दोन सामने खेळण्यात येणार आहेत. तिसरा कसोटी सामना प्रकाशझोतात होणाऱ्या गुलाबी चेंडूने खेळण्यात येत आहे.

सामना खेळवण्यापूर्वी राष्ट्रपती रामनाथ कोविंद यांच्या हस्ते नरेंद्र मोदी स्टेडियमचं उद्घाटन करण्यात आलं. या कार्यक्रमाला केंद्रीय गृहमंत्री अमित शाह, गुजरातचे राज्यपाल आचार्य देवव्रत, केंद्रीय क्रीडा मंत्री किरण रिजिजू आणि बीसीसीआयचे सचिव जय शाह उपस्थित होते. सरदार वल्लभभाई पटेल यांचे नाव असलेल्या स्टेडियमचे नाव नरेंद्र मोदी स्टेडियम केल्याने नेटीझन्स प्रचंड संतापले. हे स्टेडियम अभिमानास्पद आहे पण नाव बदलणं ही बाब शरमेची आहे, अशा भावना ट्विटरवर उमटल्या.

उद्घाटनाच्या कार्यक्रमात बोलताना केंद्रीय गृहमंत्री अमित शाह यांनी स्टेडियमचं वेगळेपण अधोरेखित केलं. त्याचबरोबर हे नरेंद्र मोदींचं स्वप्न होतं, जे आज पूर्ण झालं आहे, असं शाह यांनी सांगितलं. “गुजरातचे मुख्यमंत्री असताना नरेंद्र मोदींनी अशा प्रकारच्या स्टेडियमचं स्वप्न बघितलं होतं, जे आज पूर्ण झालं आहे. या नवं स्टेडियम जगातील सर्वात मोठं आणि अत्याधुनिक सुविधांनी परिपूर्ण असलेल्या स्टेडियमच्या आधारवर विकसित करण्यात आलेलं आहे. मोदी यांच्यासोबत खुप वर्षांपासून काम करत आहे. त्यांनी तरुणांना नेहमीच खेळासाठी प्रोत्साहित केलं आहे,” असं शाह यांनी यावेळी सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 24, 2021 4:38 pm

Web Title: sardar vallabhbhai patel renamed as narendra modi stadium social media users slams pm modi on twitter vjb 91
Next Stories
1 Ind vs Eng: रोहितचं दमदार अर्धशतक; दिवसअखेर भारत ३ बाद ९९
2 Ind vs Eng: इशांत शर्माचा मैदानात पाऊल ठेवताच पराक्रम; राष्ट्रपतींनी केला सत्कार
3 Ind vs Eng Video: तिसऱ्या कसोटीआधी विराटचा गोलंदाजीचा सराव
Just Now!
X