भारतीय क्रिकेट नियामक मंडळ आणि पाकिस्तान क्रिकेट बोर्ड यांच्यात सुरु असलेल्या वादावर आज अखेर पडदा पडला. ICC ने PCB ला चांगलाच दणका दिला आहे. BCCI विरोधात ICC च्या dispute पॅनल कडे धाव घेतलेल्या पाकिस्तान क्रिकेट मंडळाची याचिका आज या पॅनेलने फेटाळून लावली आहे. भारतीय संघ पाकिस्तानशी द्विपक्षीय क्रिकेट मालिका खेळण्यास तयार नसल्याने पाकिस्तान क्रिकेट बोर्डाचे आर्थिक नुकसान होत आहे. त्यामुळे BCCI विरोधात PCBने याचिका दाखल केली होती. या याचिकेवर ICC च्या विशेष समितीने तीन दिवसाची सुनावणी घेत BCCI ला दिलासा दिला आहे. तर ही याचिका फेटाळण्यात आल्याने PCBला चांगलाच दणका मिळाला आहे.