News Flash

आंतरराष्ट्रीय गँड्रमास्टर बुद्धिबळ स्पर्धा : सेतुरामन जेतेपदाच्या समीप

ग्रँडमास्टर एस.पी. सेतुरामनने आंतरराष्ट्रीय ग्रँडमास्टर बुद्धिबळ स्पर्धेत विदित गुजरातीवर मात करत जेतेपदावरची दावेदारी सिद्ध केली.

| December 3, 2013 02:24 am

ग्रँडमास्टर एस.पी. सेतुरामनने आंतरराष्ट्रीय ग्रँडमास्टर बुद्धिबळ स्पर्धेत विदित गुजरातीवर मात करत जेतेपदावरची दावेदारी सिद्ध केली. नवव्या फेरीत, काळ्या मोहऱ्यांनिशी खेळताना सिसिलियन बचाव पद्धतीद्वारे खेळताना विदितने डावाच्या मध्यात आघाडी मिळवली होती मात्र सेतुरामने आखलेल्या व्यूहरचनेत विदित अडकला आणि ३२व्या चालीनंतर सेतुरामनने विदितला मागे टाकत आगेकूच केली. या महत्त्वपूर्ण विजयामुळे सेतुरामनने अव्वल मानांकित इव्हान पोपोव्ह तसेच द्वितीय मानांकित लेव्हान पॅन्ट्सुलिया यांना मागे टाकत अध्र्या गुणाची आघाडी घेतली आहे. दरम्यान भारताच्या तीन बुद्धिबळपटूंनी इंटरनॅशनल मास्टर्स नॉर्म मिळवला. महाराष्ट्राच्या अनिरुद्ध देशपांडे आणि तामिळनाडूच्या कुणाल एम आणि आकाश पीसी अय्यर यांनी हे यश मिळवले.
रशियन ग्रँडमास्टर पोपोव्ह आणि अर्मेनियाचा ग्रँडमास्टर सॅमव्हेल तेर साहाख्यान यांच्यातील लढत बरोबरीत संपली तर दुसऱ्या लढतीत जॉर्जिआच्या पॅन्ट्सुलियाने युवा भारतीय इंटरनॅशनल मास्टर कार्तिकेयन मुरलीवर मात करत आगेकूच केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 3, 2013 2:24 am

Web Title: sethuraman gets closer to title win
टॅग : Chess
Next Stories
1 कनिष्ठ विश्वचषक हॉकी : भारताविरुद्ध विजयाची नेदरलँड्सला खात्री
2 विदर्भ नतमस्तक!
3 पुणे मॅरेथॉन शर्यतीत इथिओपियाचेच वर्चस्व
Just Now!
X