स्थानिक क्रिकेटमध्ये गोव्याकडून खेळणारा आणि आयपीएलमध्ये चेन्नई सुपरकिंग्ज संघाचं प्रतिनिधीत्व केलेल्या, फिरकीपटू शादाब जकाटीने सर्व प्रकारच्या क्रिकेटमधून निवृत्तीची घोषणा केली आहे. शादाबने आपल्या ट्विटर अकाऊंटवरुन याची माहिती दिली आहे.

शादाबच्या कारकिर्दीवर एक नजर –

स्थानिक क्रिकेटमध्ये शादाब जकाटीने आतापर्यंत ९२ सामने खेळले असून त्याच्या नावावर २७५ बळी जमा आहेत. आयपीएलमध्ये शादाबने चेन्नई सुपरकिंग्ज, रॉयल चॅलेंजर्स बंगळुरु आणि गुजरात लायन्स या ३ संघाचं प्रतिनिधीत्व केलं आहे. मात्र धोनीच्या नेतृत्वाखाली आयपीएलमध्ये त्याची कामगिरी अधिक चांगली झाली आहे. भारतीय संघात खेळण्याची संधी शादाबला मिळाली नाही.

आयपीएलमध्ये शादाबने ५९ सामन्यांमध्ये ४७ बळी घेतले आहेत. २०१० साली सचिन तेंडुलकर आणि २०११ साली एबी डिव्हीलियर्सला बाद केल्यानंतर शादाब चर्चेत आला होता. सलग २ सामन्यांमध्ये ४ बळी घेणारा शादाब आयपीएलमधला पहिला गोलंदाज ठरला होता.

शादाब जकाटी

 

संघ आणि सहकाऱ्यांनीही केलं कौतुक –

आयपीएलच्या तेराव्या हंगामाची तारीख अद्याप घोषित करण्यात आलेली नसली तरीही मार्च महिन्याच्या अखेरीस आयपीएलच्या तेराव्या हंगामाला सुरुवात होण्याची शक्यता आहे.