25 February 2021

News Flash

…..आणि खजील झालेल्या शाहिद आफ्रिदीने आपल्याच ज्युनिअर खेळाडूची मागितली माफी

PSL मधील सामन्यात घडला प्रकार

सैफ बदरला माघारी पाठवल्यानंतर आनंद व्यक्त करताना शाहिद आफ्रिदी

पाकिस्तानचा माजी अष्टपैलू खेळाडू शाहिद आफ्रिदी हा गोलंदाजीदरम्यान विकेट मिळवल्यानंतर आपल्या खास शैलीत सेलिब्रेशन करण्यासाठी ओळखला जातो. सध्या शाहिद आफ्रिदी दुबईत सुरु असलेल्या पाकिस्तान सुपर लिग स्पर्धेत खेळतो आहे. कराची किंग या संघाचं प्रतिनिधीत्व करताना एका सामन्यात शाहिद आफ्रिदीला विकेट घेतल्यानंतर आपल्यापेक्षा ज्युनिअर खेळाडूची माफी मागावी लागली आहे.

१० मार्च रोजी झालेल्या कराची किंग विरुद्ध मुलतान सुलतान्स संघाच्या सामन्यात, शाहिद आफ्रिदीने मुलतान संघाच्या सैफ बदरला त्रिफळाचीत केलं. यानंतर आफ्रिदीने आपल्या नेहमीच्या शैलीत पॅव्हेलियनच्या दिशेने बोट करत सैफला परत जायला सांगितलं. आफ्रिदीच्या या सेलिब्रेशनमुळे काहीसा नाराज झालेला सैफ काहीकाळ मैदानात तसाच उभा होता.

मात्र या प्रसंगानंतर सैफने आपल्या ट्विटर अकाऊंटवरुन, शाहिद आफ्रिदीला एक प्रेमळ संदेश देत आपण हे प्रकरण विसरल्याचं सांगितलं.

ज्यावर प्रतिक्रीया देताना शाहिदनेही सैफची माफी मागत, आपली ती कृती ही उत्साहाच्या भरात झाल्याचं सांगत आपण ज्युनिअर खेळाडूंना नेहमी प्रोत्साहन देत असल्याचं आफ्रिदी म्हणाला.

आंतरराष्ट्रीय क्रिकेटमधून निवृत्ती स्विकारल्यानंतरही शाहिद आफ्रिदीचा पाकिस्तान सुपर लीग स्पर्धेतला फॉर्म हा वाखणण्याजोगा आहे. आतापर्यंत खेळलेल्या ६ डावांमध्ये शाहिदने गोलंदाजीत १० बळी घेतले आहेत. फलंदाजीत आफ्रिदीच्या खात्यात १२६ धावा जमाा आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2018 7:06 pm

Web Title: shahid afridi apologises to young pakistani batsman for aggressive send off during psl match
टॅग Shahid Afridi
Next Stories
1 पहिल्या वन-डे सामन्यात भारतीय महिला संघ पराभूत
2 IPL 2018 – हिथ स्ट्रिक कोलकाता नाईट रायडर्सचा गोलंदाजी प्रशिक्षक
3 शमी चांगला माणूस, तो बायकोला धोका देणार नाही- महेंद्रसिंग धोनी
Just Now!
X