News Flash

शाहिद आफ्रिदीने माझी पुनरागमनाची संधी हिरावून घेतली – सलमान बट

स्थानिक वृत्तवाहिनीला दिली मुलाखत

पाकिस्तान क्रिकेट संघाचा माजी कर्णधार सलमान बटने आपल्याच संघातील सहकारी शाहिद आफ्रिदीवर मोठा आरोप केला आहे. आफ्रिदीने आपली पुनरागमनाची संधी हिरावून घेतल्याचं बटने म्हटलं आहे. 2010 साली झालेल्या स्पॉट फिक्सींग प्रकरणात सलमान बटला 5 वर्षांच्या बंदीची शिक्षा सुनावण्यात आली होती. 2016 साली भारतात होणाऱ्या टी-20 विश्वचषकासाठी सलमानला पाक संघात पुनरागमन करण्याची संधी होती. यासाठी आपण स्थानिक क्रिकेटमध्ये खेळण्यास सुरुवातही केली होती, मात्र 2015 साली माझ्यावरची बंदी उठल्यानंतरही आफ्रिदीने माझी निवड होऊ दिली नाही. सलमान बट GTV News वाहिनीशी बोलत होता.

“NCA मधून मला मुख्य प्रशिक्षक वकार युनूस आणि फलंदाजी प्रशिक्षक ग्रँट फ्लॉवर यांचा फोन आला. त्यांनी मला नेट्समध्ये नेलं आणि काहीकाळ माझ्याकडून सराव करुन घेतला. यानंतर वकारभाई मला म्हणाले, पाकिस्तानकडून पुन्हा खेळण्यासाठी सज्ज आहेस का? यावर मी लगेच हो म्हणालो. यानंतर संघात माझ्या पुनरागमन जवळपास नक्की झालं होतं, मात्र शाहिद आफ्रिदीने असं होऊ दिलं नाही. त्याने नेमकं असं का केलं असावं हे मला माहिती नाही. मी आफ्रिदीला याबद्दल विचारायलाही गेलो नाही. मात्र मला इतकं नक्की माहिती आहे की प्रशिक्षकांनी मला संघात घेण्याबद्दल सकारात्मकता दर्शवली होती, ज्यामध्ये आफ्रिदीने मोडता घातला.” बटने आपल्या भावना व्यक्त केल्या.

2016 साली झालेल्या स्पर्धेत पाकिस्तानच्या संघाची कामगिरी अतिशय खराब झाली होती. यानंतर प्रशिक्षक वकार युनूस आणि कर्णधार शाहिद आफ्रिदी यांना राजीनामा द्यायला लागला होता. मात्र कोण्या एका खेळाडूकडून एखाद्या खेळाडूच्या पुनरागमनाबद्दलचे निर्णय घेतले जाणं योग्य नाही, असं मत सलमान बटने व्यक्त केली. स्थानिक क्रिकेटमध्ये धावा काढूनही माझी संघात निवड होत नसल्यामुळे माझ्यावर अन्याय झाल्याची भावना माझ्या मनात कायम राहिल असंही बट म्हणाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 2, 2019 2:53 pm

Web Title: shahid afridi blocked my return to pakistan team claims salman butt
टॅग : Pcb,Shahid Afridi
Next Stories
1 विराट कोहली झाला क्रिकेट ऑस्ट्रेलिया संघाचा कर्णधार
2 IND vs AUS : चौथ्या कसोटीसाठी भारतीय संघाची घोषणा, राहुल-अश्विनला संधी
3 पर्थनंतर मेलबर्नची खेळपट्टीसुद्धा सामान्य दर्जाची!
Just Now!
X