27 May 2020

News Flash

लोकेश राहुलला आपलं स्थान टिकवण्यासाठी मेहनत करावी लागेल !

माजी कर्णधार सौरव गांगुलीचं मत

आपल्या खराब फॉर्ममुळे गेल्या काही दिवसांत चर्चेमध्ये असलेल्या लोकेश राहुलने अखेरीस आफ्रिकेविरुद्ध कसोटी संघातलं आपलं स्थान गमावलं आहे. राहुलला संघातून डच्चू दिल्यानंतर रोहित शर्माला कसोटी संघात सलामीच्या जागेवर संधी देण्यात येणार आहे. त्यामुळे आगामी काळात लोकेश राहुलला वन-डे संघात आपलं चौथ्या क्रमांकाचं स्थान टिकवून ठेवण्यासाठी मेहनत घ्यावी लागेल असं मत, भारताचा माजी कर्णधार सौरव गांगुलीने व्यक्त केलं आहे.

“वन-डे क्रिकेटमध्ये रोहित शर्मा आणि शिखर धवन ही भारताची जमलेली सलामीची जोडी आहे. त्यातच सध्या मनिष पांडे आणि श्रेयस अय्यर हे फलंदाज सर्वोत्तम कामगिरी करत राहुलला चांगलीच टक्कर देत आहेत. या स्पर्धेमुळे लोकेश राहुलला आता आपलं वन-डे संघातलं चौथ्या क्रमांकाचं स्थान टिकवून ठेवावं लागणार आहे. मनिष पांडे आणि श्रेयस अय्यर हे दोन्ही फलंदाज त्याला चांगलीच टक्कर देतील.” टाइम्स ऑफ इंडिया वृत्तपत्रात लिहीलेल्या आपल्या कॉलममध्ये गांगुलीने आपलं मत व्यक्त केलं आहे.

आतापर्यंत २३ वन-डे आणि २८ टी-२० सामन्यांमध्ये भारताचं प्रतिनिधीत्व केलेल्या लोकेश राहुलला आफ्रिकेविरुद्ध मालिकेत भारतीय संघात स्थान देण्यात आलं आहे. मात्र रोहित-शिखरच्या उपस्थितीत राहुलला राखीव खेळाडूंच्या रांगेत बसावं लागणार आहे. त्यामुळे आगामी काळात लोकेश राहुल आपल्या खेळात सुधारणा करतो का हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 18, 2019 7:28 pm

Web Title: shreyas iyer manish pandey will keep kl rahul on his toes to hold on to his no 4 spot says sourav ganguly psd 91
टॅग Saurav Ganguly
Next Stories
1 World Wrestling Championships : विनेश फोगटला कांस्यपदक
2 Ind vs SA 2nd T20I : विराटच्या अर्धशतकाने भारत विजयी, आफ्रिकेवर ७ गडी राखून मात
3 “पाकिस्तानात खेळायला यायचं नसेल, तर त्यांना दंड करा”
Just Now!
X