06 July 2020

News Flash

रोहितला कसोटी संघातून वगळण्याच्या निर्णयावर, हरभजन-सौरव गांगुलीकडून आश्चर्य व्यक्त

विंडीज दौऱ्यासाठी भारतीय संघाची घोषणा

रोहित शर्मा (संग्रहीत छायाचित्र)

विराट कोहलीच्या अनुपस्थितीत भारतीय संघाला रोहित शर्माने आशिया चषकात विजय मिळवून दिला. यानंतर ४ ऑक्टोबरपासून सुरु होत असलेल्या वेस्ट इंडिजविरुद्धच्या कसोटी मालिकेसाठी रोहित शर्माला संघात जागा मिळेल असा अंदाज सर्वांनी व्यक्त केला होता. मात्र निवड समितीने यंदाही रोहितचा कसोटी क्रिकेटसाठी विचार केलेला नाहीये. वेस्ट इंडिजविरुद्ध मालिकेसाठी पृथ्वी शॉ, मयांक अग्रवाल यांना संघात जागा मिळालेली असली, तरीही करुण नायरला संघातून वगळल्यामुळे नेटीझन्सनी आपली नाराजी व्यक्त केली आहे. माजी क्रिकेटपटू सौरव गांगुली व हरभजन सिंग यांनीही रोहितला वगळण्याच्या निर्णयावरुन आश्चर्य व्यक्त केलं आहे.

निवड समितीचे सदस्य नेमका काय विचार करतायत? कोणाला समजलं तर मलाही सांगा, अशा शब्दांमध्ये हरभजनने रोहितला वगळण्याच्या निर्णयावर आपलं मत मांडलं आहे. दुसरीकडे सौरव गांगुलीनेही आपल्या ट्विटर अकाऊंटवर, रोहितला वगळण्याच्या निर्णयावर टोला लगावला आहे.

२०१८ साली जानेवारी महिन्यात दक्षिण आफ्रिका दौऱ्यानंतर रोहितला कसोटी संघात आपली जागा राखता आलेली नाहीये. वन-डे क्रिकेटमध्ये मात्र रोहित शर्मा आश्वासक आणि आक्रमक फलंदाजी करतो आहे. मात्र वन-डे संघातली त्याची ही कामगिरी कसोटी संघात त्याला जागा मिळवून देत नाहीये. त्यामुळे आगामी कसोटी मालिकेत रोहितला संघात जागा मिळते की नाही हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 1, 2018 10:49 am

Web Title: sourav ganguly and harbhajan singh surprised at rohit sharmas exclusion from test squad
Next Stories
1 आशिया चषकाच्या अंतिम सामन्यात झालेले हे १४ विक्रम माहिती आहेत का?
2 ऑलिम्पिक पदक, हेच आता पुढील लक्ष्य – मीराबाई चानू
3 दीपिका कुमारीचा ‘कांस्य’वेध
Just Now!
X