06 July 2020

News Flash

करोनाशी लढा : लॉकडाऊन काळात दहा हजार लोकांच्या जेवणाची जबाबदारी ‘दादा’कडे

कोलकाता इस्कॉन केंद्राला करणार मदत

बीसीसीआय अध्यक्ष आणि भारताचा माजी कर्णधार सौरव गांगुलीने खडतर काळात पुन्हा एकदा आपलं सामाजिक भान राखलं आहे. कोलकात्याच्या इस्कॉन केंद्राला सौरव गांगुली लॉकडाऊन काळात अन्नदानासाठी मदत करणार आहे. सौरव गांगुलीने दहा हजार लोकांच्या जेवणाची जबाबदारी स्विकारली आहे. इस्कॉनच्या कोलकाता केंद्रात दररोज दहा हजार लोकांच्या जेवणाची व्यवस्था केली जाते, सौरव गांगुलीच्या मदतकार्यानंतर आता याच केंद्रात २० हजार लोकांना रोजचं जेवण मिळणार आहे.

सौरवने नुकतीच या केंद्राला भेट देऊन अन्नदानासाठी लागणारी सर्व मदत करण्याचं आश्वासन दिलं. “सध्याचा काळ खडतर आहे, आम्ही दररोज १० हजार लोकांच्या जेवणाची व्यवस्था करत होतो. सौरवने आमच्या केंद्राला भेट देऊन अन्नदानासाठी जी काही मदत लागेल ते पुरवण्याचं आश्वासन दिलंय. यामुळे आम्ही आता दररोज २० हजार लोकांना जेवणं पुरवू शकतो.” कोलकात्याच्या इस्कॉन केंद्राचे प्रवक्ते राधारमण दास यांनी माहिती दिली. याआधी सौरव गांगुलीने बेलूर मठाला मोठ्या प्रमाणात तांदूळ दान केले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 5, 2020 10:33 am

Web Title: sourav ganguly helps feed 10 000 people daily during india lockdown psd 91
टॅग Coronavirus
Next Stories
1 सध्या लोकांचा जीव महत्वाचा, आयपीएल नंतर खेळवलं जाऊ शकतं – सुरेश रैना
2 षटकार मारूनही श्रेयस अय्यरला खावा लागला राहुल द्रविडचा ओरडा…
3 आयपीएलच्या समर्थनासाठी माजी खेळाडू मैदानात, म्हणाले…
Just Now!
X