06 August 2020

News Flash

भाऊ करोना पॉझिटिव्ह; BCCI अध्यक्ष सौरव गांगुली ‘होम क्वारंटाइन’

मोठा भाऊ बंगाल क्रिकेट संघटनेचा पदाधिकारी

BCCI अध्यक्ष आणि भारताचा माजी कर्णधार सौरव गांगुली याचा मोठा भाऊ स्नेहाशिष गांगुली यांचा करोना चाचणी अहवाल पॉझिटिव्ह असल्याचे निदान झाले आहे. त्यामुळे खबरदारीचा उपाय म्हणून सौरव गांगुली बुधवारपासून होम क्वारंटाइन झाल्याचे वृत्त पीटीआयने दिले आहे. स्नेहाशीष गांगुली हे बंगाल क्रिकेट संघटनेच्या सहाय्यक सचिवपदी कार्यरत आहे. त्यांची नुकतीच करोना चाचणी करण्यात आली होती. त्या चाचणीचा अहवाल आल्यानंतर सौरव गांगुलीने स्वत:ला घरातच क्वारंटाइन करून घेतले आहे.

स्नेहाशिष हे माजी प्रथम श्रेणी क्रिकेटपटू आहेत. त्यांनी काही काळ बंगालच्या संघाचे प्रतिनिधित्व केले होते. करोनाची लागण झाल्याचे समजताच स्नेहाशिष यांना बेले व्यू या रूग्णालयात दाखल करण्यात आले आहे. गेले काही दिवस स्नेषाशिष यांना ताप येत होता आणि तब्येत ठीक नव्हती. त्यामुळे त्यांची करोना चाचणी करण्यात आली. त्या चाचणीचा अहवाल बुधवारी संध्याकाळी उशिरा आला. त्यामुळे आरोग्यविषयक मार्गदर्शक नियमांनुसार सौरव गांगुलीलाही ठराविक कालावधीसाठी घरात क्वारंटाइन व्हावे लागणार आहे, अशी माहिती बंगाल क्रिकेट संघटनेच्या पदाधिकाऱ्याने दिली.

स्नेहाशिष मोमीनपुर येथे वास्तव्यास होते. पण त्यांची पत्नी आणि सासरची मंडळी यांना करोनाची लागण झाल्याने ते सौरव गांगुली रहात असलेल्या बेहाला येथील घरात स्थलांतरित झाले होते. पण त्यांना सातत्याने ताप येत असल्याने त्यांची चाचणी करण्यात आली.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 16, 2020 10:39 am

Web Title: sourav ganguly in home quarantine after elder brother tests positive for covid 19 vjb 91
Next Stories
1 आफ्रिकन क्रिकेट बोर्डाने केलेल्या चाचणीत सहा जण करोना पॉझिटिव्ह
2 इंग्लंडचा भारत दौरा करोनामुळे स्थगित?
3 आघाडीसाठी विंडीज सज्ज
Just Now!
X