श्रीलंका-आफ्रिका क्रिकेट मालिका दक्षिण आफ्रिका आणि श्रीलंका यांच्यातील दुसऱ्या कसोटी सामन्याच्या दुसऱ्याच दिवशी सामना रंगतदार अवस्थेत पोहोचला आहे. श्रीलंका ऐतिहासिक मालिकाविजयापासून केवळ १३७ धावा दूर असून त्यांचे अजून आठ फलंदाज शिल्लक आहेत. शुक्रवारी दोन्ही संघांनी एकूण २८२ धावा केल्या, मात्र १८ फलंदाज तंबूत परतले. दोन्ही संघांचे फलंदाज खेळपट्टीवर फारसे टिकू शकले नाहीत. श्रीलंकेने याआधीच्या दरबान कसोटी सामन्यात दक्षिण आफ्रिकेवर एक गडी राखून मात केली होती. त्यामुळे दुसऱ्या कसोटीतील विजयासह श्रीलंका दक्षिण आफ्रिकेत पहिला कसोटी मालिका विजय मिळवण्याची चिन्हे आहेत. श्रीलंकेला विजयासाठी १९७ धावा करायच्या असून दुसऱ्या दिवसअखेर श्रीलंकेच्या २ बाद ६० धावा झाल्या आहेत. त्यामुळे तिसऱ्याच दिवशी सामना निर्णायक ठरणार आहे.
