आयपीएलच्या दुसऱ्या टप्प्यात महेंद्रसिंह धोनी आणि सुरेश रैना चेन्नई सुपर किंग्जकडून (सीएसके) धमाल करताना दिसणार आहेत. मागील वर्षी सीएसकेने लीगमध्ये सुमार कामगिरीचे प्रदर्शन केले होते. रैनाने वैयक्तिक कारणास्तव माघार घेतली होती. पण आता यंदा रैना खेळत आहे. संघही कमालीच्या फॉर्मात असून गुणतालिकेत १० गुणांसह दुसऱ्या स्थानावर आहे. या स्पर्धेदरम्यान रैनाने एका लोकप्रिय रिअॅलिटी टेलिव्हिजन शोमध्ये स्पर्धक होण्याची इच्छा व्यक्त केली आहे. आयपीएल २०२१च्या १४व्या हंगामाचा दुसरा टप्पा सुरू होण्याआधी सुपरस्टार रैनाने सीएसकेशी संभाषणात भाग घेतला. या खास संभाषणात रैनाची पत्नी प्रियंकाही सहभागी झाली होती. तेव्हा एका प्रश्नाला उत्तर देताना रैना म्हणाला, ''लोकप्रिय टीव्ही शो - बिग बॉसच्या दक्षिण भारतीय पर्वात सहभागी होण्यास मला हरकत नाही. मी ते पाहिले आहे. त्यांची भाषा शिकण्याची गरज आहे." हेही वाचा - US Open Final : रागारागात रॅकेट तोडलं, त्यानंतर टॉवेलमध्ये रडू लागला जोकोव्हिच..! पाहा VIDEO या संभाषणात सुरेश रैनाने साऊथचा सुपरस्टार सर्या हा आवडता अभिनेता असल्याचे सांगितले आहे. अँड्र्यू सायमंड्स, एस श्रीशांत, सलील अंकोला, विनोद कांबळी, नवज्योत सिंग सिद्धू आणि द ग्रेट खली सारख्या अनेक प्रसिद्ध क्रीडा क्षेत्रातील व्यक्तींनी बिग बॉसमध्ये भाग घेतला आहेत. आयपीएलच्या इतिहासातील सर्वाधिक सामने खेळणाऱ्या आणि सर्वाधिक धावा करणाऱ्यांपैकी एक असलेल्या रैनाला पुन्हा खेळताना पाहण्यासाठी त्याचे चाहते उत्सुक आहेत. रैनाने आयपीएलमध्ये २०० सामने खेळले आहेत. रैनाने आयपीएलच्या २०० सामन्यांमध्ये ५४९१ धावा केल्या आहेत.
