News Flash

वडिलांचे स्वप्न साकार करायचे आहे -स्वप्ना

स्वप्नाचे वडील पंचानन हे सायकलरिक्षा चालविण्याचा व्यवसाय करत होते.

| July 12, 2017 02:13 am

खेळात मी अव्वल दर्जाचे यश मिळवावे, असे माझ्या वडिलांचे स्वप्न आहे. आशियाई स्पर्धेत सुवर्णपदक मिळवत त्याचा एक टप्पा पूर्ण केला आहे. आता जागतिक स्पर्धेत

पदक मिळविण्याचे माझे ध्येय आहे, असे आशियाई मैदानी स्पर्धेतील हेप्टॅथलॉन विजेती स्वप्ना बर्मनने सांगितले.

स्वप्नाचे वडील पंचानन हे सायकलरिक्षा चालविण्याचा व्यवसाय करत होते. मात्र स्वप्ना लहान असतानाच त्यांना हृदयविकाराचा झटका आला आणि त्यानंतर ते गेली बरेच वर्षे अंथरुणाला खिळून आहेत.

पंचानन म्हणाले, ‘मी गेली अनेक वर्षे आजारामुळे सायकलरिक्षा चालवू शकत नाही. आमची आर्थिक स्थिती हलाखीची असल्यामुळे आम्ही स्वप्नाला अपेक्षेइतका संतुलित आहार देऊ शकलो नाही. मात्र तिने अतिशय संघर्ष करीत अ‍ॅथलेटिक्समध्ये कारकीर्द

घडवली आहे. तिने आशियाई विजेतेपद मिळवत आम्हा सर्वाना अभिमान वाटावा अशीच कामगिरी केली आहे.’

स्वप्नाची आई बसाना या पूर्वी चहाच्या मळ्यात रोजंदारीवर काम करीत करून संसाराचा गाडा हाकत आहेत. बसाना म्हणाल्या, ‘अभ्यास व खेळात स्वप्ना हुशार आहे. अर्थात तिने आता खेळातच कारकीर्द घडवावे अशी आमची इच्छा आहे.

तिला नोकरी मिळाली तर तिच्या खेळाच्या होणाऱ्या खर्चाला हातभार लागेल.’

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2017 2:13 am

Web Title: swapna barman wins heptathlon gold at asian athletics 2017
Next Stories
1 टीम इंडियाच्या मुख्य प्रशिक्षकपदी रवी शास्त्रींची निवड; बीसीसीआयकडून शिक्कामोर्तब
2 रवी शास्त्रींच्या निवडीबद्दल संभ्रम कायम, बीसीसीआयचा वृत्ताला दुजोरा नाही
3 रोहित शर्माच्या नव्या हेअरकटची चाहत्यांनी उडवली खिल्ली
Just Now!
X