दक्षिण आफ्रिकेविरुद्धच्या आगामी ट्वेन्टी-२० मालिकेसाठी महेंद्रसिंह धोनीची निवड व्हावी, अशी माझी अपेक्षा नव्हती. युवा यष्टीरक्षक-फलंदाज ऋषभ पंतला अधिकाधिक संधी देण्याचे संघ व्यवस्थापनाचे धोरण अत्यंत योग्य आहे, असे मत भारताचे माजी कर्णधार सौरव गांगुलीने व्यक्त केले आहे. ३८ वर्षीय धोनीचे आंतरराष्ट्रीय क्रिकेटमधील भवितव्य हा सध्या क्रिकेटमधील चर्चेतील विषय आहे. यासंदर्भात गांगुली म्हणाला की, ‘‘वेस्ट इंडिजविरुद्धच्या ट्वेन्टी-२० मालिकेपासून निवड समिती ऋषभला पुरेशी संधी देत आहे. धोनीच्या प्रारंभीच्या काळात त्यालाही अशी संधी देण्यात आली होती.’’
