23 January 2021

News Flash

संगाकाराच्या विकेटने कारकिर्दीला सुरूवात करणारा भारतीय क्रिकेटपटू निवृत्त

धोनीच्या नेतृत्वाखाली केलं होतं आंतरराष्ट्रीय क्रिकेटमध्ये पदार्पण

भारताचा माजी कर्णधार महेंद्रसिंग धोनी याच्या नेतृत्वाखालील सामन्यात आंतरराष्ट्रीय क्रिकेटमध्ये पाऊल ठेवणारा भारतीय वेगवान गोलंदाज सुदीप त्यागी याने आंतरराष्ट्रीय क्रिकेटला निरोप दिला. सुदीपने मंगळवारी (१७ नोव्हेंबर) क्रिकेटच्या सर्व प्रकारांतून निवृत्ती स्वीकारली. ३३ वर्षीय सुदीपने ४ एकदिवसीय आणि एका टी२० सामन्यात टीम इंडियाचे प्रतिनिधित्व केले. आपल्या पदापर्णाच्या मालिकेत त्याने श्रीलंकेचा अनुभवी फलंदाज कुमार संगाकारा याचा बळी टिपत आंतरराष्ट्रीय कारकिर्दीला सुरूवात केली.

२००९ साली धोनीच्या नेतृत्वाखाली श्रीलंकेविरुद्ध सुदीपने आंतरराष्ट्रीय क्रिकेटमध्ये पदार्पण केले होते. पहिल्या टी२० सामन्यात त्यागीला कोणतेही यश मिळाले नाही. पण एकदिवसीय सामन्यात मात्र त्याने श्रीलंकेचा अनुभवी फलंदाज कुमार संगाकारा याला माघारी धाडलं. असं असलं तरी त्याची कारकिर्द फारशी मोठी ठरली नाही. २०१० मध्ये त्याने भारतीय संघाकडून अखेरचा सामना खेळला. त्यानंतर त्याला भारतीय संघाकडून संधी मिळाली नाही. IPL 2009 आणि 2010 या दोन हंगामात तो चेन्नई सुपर किंग्सकडून १४ सामने खेळला होता. परंतु त्यातही त्याला केवळ ६ गडी बाद करता आले. सुदीपने निवृत्तीची घोषणा करताना लिहिले, “माझ्या स्वप्नांना निरोप देणे हा माझ्यासाठी आतापर्यंतचा सर्वात अवघड निर्णय आहे!”

सुदीपने प्रथम श्रेणी क्रिकेटमध्ये ४१ सामने खेळत १०९ बळी घेतले. तर 23 अ दर्जाच्या क्रिकेटमध्ये ३१ बळी टिपले. “आपल्या देशाचे प्रतिनिधित्व करणे हे प्रत्येक खेळाडूचे स्वप्न असते. मी हे स्वप्न पूर्ण केले. भारताचा ध्वज असलेली जर्सी अंगावर घालणे, हे एक स्वप्न होते आणि ते स्वप्न मी पूर्ण करू शकलो याचा मला अभिमान आहे”, अशी भावना त्याने व्यक्त केल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 18, 2020 6:40 pm

Web Title: team indian pacer sudeep tyagi who started career in ms dhoni captaincy announces retirement vjb 91
Next Stories
1 पृथ्वी शॉ च्या ‘लैला’ डान्सवर धवन फिदा, पाहा व्हिडीओ
2 पाकिस्तानात तब्बल १६ वर्षांनी ‘हा’ संघ खेळणार क्रिकेट
3 IPL vs PSL : जाणून घ्या, दोन्ही स्पर्धांमध्ये विजेत्यांना मिळणाऱ्या बक्षिसातील फरक
Just Now!
X