महाराष्ट्राच्या आदित्य श्रीराम (अग्रमानांकित), सिद्धार्थ साबळे (तृतीय मानांकित) आदी खेळाडूंनी मुलांच्या सोलारिस चषक राष्ट्रीय मानांकन टेनिस स्पर्धेतील १४ वर्षांखालील गटात अपराजित्व राखले. श्रीरामने आदित्य पवार याचा ७-० असा धुव्वा उडविला. साबळे याने आपलाच सहकारी अनिषकुमार याच्यावर ७-० असा दणदणीत विजय नोंदविला. राहुल मोटवानी याने मानस टेंब्रे याला ७-२ असे हरवित दुसरी फेरी गाठली. जय देवकर याला जयराम जैन याच्याविरुद्ध ७-१ असा विजय मिळविताना फारशी अडचण आली नाही. अर्चित सिन्हा याने ह्रदय सोनावणे याला ७-१ असे लीलया पराभूत केले. आर्य जाधव याने केरळच्या श्रीशैलेश हितेन याचे आव्हान ७-५ असे चुरशीच्या लढतीनंतर संपुष्टात आणले.
