टोक्यो ऑलिम्पिकच्या पदकाच्या शर्यतीत असलेल्या सात्त्विकसाईराज रंकीरेड्डी याला पुरुष आणि मिश्र दुहेरीत पराभव पत्करावा लागल्याने भारताचे थायलंड खुली बॅडमिंटन स्पर्धेतील आव्हान संपुष्टात आले. जागतिक क्रमवारीत १०व्या स्थानी असलेल्या सात्त्विकसाईराज तसेच चिराग शेट्टी या जोडीला उपांत्य फेरीत नवव्या क्रमांकावरील आरोन चिया आणि सोह वूइ यिक या मलेशियाच्या जोडीने १८-२१, १८-२१ असे नमवले. सात्त्विकसाईराज आणि अश्विनी पोनप्पा या मिश्र दुहेरी जोडीने उपांत्य फेरीत कडवी लढत दिली, पण त्यांना अंतिम फेरी गाठण्यात अपयश आले. थायलंडच्या अग्रमानांकित देचापोल पुवारानुक्रोह आणि सापसिरी ताएरात्रानाचाय या जोडीने सात्त्विक-अश्विनी यांना २२-२०, १८-२१, २१-१२ असे हरवले.
