मुंबई महापौर चषक किशोर-किशोरी राज्य अजिंक्यपद व निवड चाचणी खो-खो स्पध्रेत किशोर गटात पालघर, ठाणे, पुणे, तर किशोरी गटात पुणे, ठाणे यांनी उपांत्यपूर्व फेरीत प्रवेश केला. किशोरांच्या उपउपांत्यपूर्व फेरीच्या सामन्यात नाशिकने यजमान मुंबई उपनगरवर २०-१४ असा ़विजय नोंदवला. पालघरने रत्नागिरीवर १२-१० असा विजय मिळवला. पालघरच्या चिन्मय तामोरे (२ मि़) व प्रतीक भुतकडे (५ बळी) यांनी उल्लेखनीय कामगिरी केली. गतविजेत्या ठाणे संघाने सातारा संघाला १३-७ असे एक डाव व सहा गुणांनी हरवले. ठाण्याचे आकाश कदम (४.४० मि़ व ४ बळी), शार्दूल मेहतर (३.२० मि़ ), शुभम जोशी (२ मि़ व ३ बळी) व प्रज्वल पाटील (३ बळी) हे विजयाचे प्रमुख शिल्पकार होते. किशोरी गटात पुण्याच्या संघाने मुंबईचे आव्हान ६-५ असे एक गुण व ४.४० मि़ राखून परतावून लावत उपांत्यपूर्व फेरी गाठली. ठाण्याच्या मुलींनी औरंगाबादविरुद्ध १०-७ अशी एक डाव व ३ गुणांनी बाजी मारली.
