News Flash

तो माझा अहंकार होता ! भारताच्या विश्वचषकातील पराभवावर कोहलीचं मोठं विधान

उपांत्य सामन्यात न्यूझीलंडची भारतावर मात

विराट कोहलीचा भारतीय संघ २०१९ विश्वचषक स्पर्धा जिंकण्यासाठी प्रबळ दावेदार मानला जात होता. साखळी फेरीत इंग्लंडविरुद्धचा पराभव वगळता भारतीय संघाने प्रत्येक सामन्यात धडाकेबाज खेळी करत विजय मिळवला होता. मात्र उपांत्य फेरीत न्यूझीलंडविरुद्ध सामन्यात भारताला १८ धावांनी पराभव स्विकारावा लागला, आणि भारताचं विश्वचषक विजेतेपदाचं स्वप्न भंगलं. भारतीय संघाचा कर्णधार विराट कोहलीने या पराभवावर एक मोठं विधान केलं आहे.

“मला आतून वाटत होतं की संघाला एकातरी सामन्यात माझ्याकडून सर्वोत्तम खेळीची अपेक्षा होती. उपांत्य सामन्यात मी नाबाद राहीन असा मला विश्वास होता, पण एका अर्थाने तो माझा अहंकार सिद्ध झाला.” एका खासगी कार्यक्रमात २०१९ विश्वचषकातील उपांत्य सामन्यातील पराभवाबद्दल विचारलं असता विराटने आपली बाजू मांडली.

उपांत्य सामन्यात भारतीय गोलंदाजांनी न्यूझीलंडला २३९ धावांत रोखलं होतं. मात्र फलंदाजीत भारतीय संघ पुरता कोलमडला. लोकेश राहुल, रोहित शर्मा, विराट कोहली हे आघाडीच्या फळीतले फलंदाज पत्त्याचा बंगाल कोसळावा तसे एका मागोमाग एक माघारी परतले. मधल्या फळीत रविंद्र जाडेजा आणि महेंद्रसिंह धोनीने अर्धशतकी खेळी करत भारताला विजय मिळवून देण्याचा प्रयत्न केला, मात्र त्यांचे प्रयत्न अपुरेच पडले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 25, 2019 5:19 pm

Web Title: that was my inner ego virat kohli spills the beans on team indias semi final exit from 2019 world cup psd 91
टॅग : Virat Kohli
Next Stories
1 भारत-विंडीज मालिकेत ICC कडून मोठा बदल, तिसऱ्या पंचांचं काम वाढलं
2 बांगलादेशविरुद्ध मालिका विजयानंतर कोहलीकडून जाडेजाचं कौतुक, म्हणाला…
3 Tokyo Olympic 2020 : भारतीय हॉकी संघासमोर खडतर आव्हान
Just Now!
X