श्रीलंकेचा अनुभवी फलंदाज तिलकरत्ने दिलशानच्या बोटाला झालेल्या दुखापतीमुळे बांगलादेशविरुद्धच्या उर्वरित मालिकेत खेळणार नाही. याचप्रमाणे आगामी आशिया चषक क्रिकेट स्पध्रेतूनही तो माघार घेण्याची शक्यता आहे.२५ फेब्रुवारीपासून सुरू होणाऱ्या आशिया चषक क्रिकेट स्पध्रेला तो मुकण्याची शक्यता आहे. कारण १६ मार्चपासून बांगलादेशमध्ये सुरू होणाऱ्या विश्वचषक ट्वेन्टी-२० स्पध्रेसाठी निवड समितीला तो श्रीलंका संघात हवा आहे. बांगलादेशमध्ये सुरू असलेल्या मालिकेत दिलशानच्या जागी मधल्या फळीतील डावखुरा फलंदाज लाहिरू थिरिमानेला संघात स्थान देण्यात आले आहे.
