टोकियो ऑलिम्पिकमध्ये भारतीय बॉक्सिंगपटूंची सुरुवात खराब झाली आहे. अनुभवी आणि पदकाची अपेक्षा असणारा विकास कृष्णनचा ऑलिम्पिक प्रवास संपला आहे. वेल्टर ६९ किलोग्राम वजनी गटाच्या अंतिम ३२ सामन्यात त्याला ०-५ असा पराभव स्वीकारावा लागला. त्याला जपानच्या सेव्हनरेट्स क्विन्की मेनसाह ओकाझावाने सहज पराभूत केले. विकास संपूर्ण सामन्यात कमकुवत आत्मविश्वासाने खेळताना दिसला. पहिल्या फेरीत पाचही पंचांनी जपानच्या ओकाझावाला १० गुण दिले, तर विकासला ९ गुण मिळाले. दुसर्या फेरीतही अशीच परिस्थिती राहिली. तिसर्या आणि अंतिम फेरीत विकासला फारसे काही करता आले नाही. त्यामुळे ऑलिम्पिकमधील त्याचा प्रवास संपुष्टात आला. हाय-व्होल्टेज सामन्यात २९ वर्षीय विकासला डाव्या डोळ्याखाली दुखापत झाली. संघाच्या सूत्रांनी दिलेल्या माहितीनुसार, खांद्याच्या दुखापतीसह तो मैदानात उतरला होता. उद्या रविवारी बॉक्सर मेरी कोम आणि मनीष कौशिक यांचे सामने होणार आहेत. #Tokyo2020 Disappointment from Boxing as Vikas Krishan looked out of touch and lost 5-0 against Okazawa from Japan.#Olympics #TeamIndia — Olympic Updates India (@tokyo2020_in) July 24, 2021 हेही वाचा - IND VS ENG : श्रीलंकेत धुमशान घालणारे मुंबईचे 'हे' दोन धुरंदर इंग्लंड गाठणार! सामन्यादरम्यान ओकाझावाने शेवटपर्यंत वर्चस्व राखले. तो रिंगमध्ये फारच चपळ दिसला. त्याने दोन वेळचा ऑलिम्पियन विकासला अगदी सहज हरवले. २५ वर्षीय ओकाझावाने २०१९ च्या आशियाई चॅम्पियनशिपमध्ये रौप्यपदक जिंकले होते आणि त्याच वर्षी वर्ल्ड चॅम्पियनशिपमध्ये उपांत्यपूर्व फेरी गाठली होती. आता त्याचा सामना तिसऱ्या मानांकित क्युबाच्या रोनिएल इगलेसियासशी होईल. इगलेसिया २९१२ची ऑलिम्पिक सुवर्णपदक विजेता आणि माजी विश्वविजेताही आहे.