बल्गेरियाच्या व्हेसेलिन तोपालोव्हविरुद्ध मिळविलेल्या विजयानंतर भारताच्या विश्वविजेत्या विश्वनाथन आनंदचा आत्मविश्वास दुणावला आहे. ‘नॉर्वे बुद्धिबळ-२०१३’ स्पध्रेच्या चौथ्या फेरीत आनंदची गाठ पडणार आहे ती अमेरिकेच्या हिकारू नाकामुराशी. आतापर्यंत तीन फेऱ्यांमध्ये आनंदच्या खात्यावर दोन गुण जमा आहेत. पहिल्या फेरीत आनंदने अर्मेनियाच्या लिव्हॉन अरोनियनविरुद्धची लढत सहजगत्या अनिर्णीत राखली. त्यानंतर आगामी जागतिक अजिंक्यपद स्पध्रेतील प्रतिस्पर्धी नॉर्वेच्या मॅग्नस कार्लसनविरुद्धची लढत बरोबरीत सोडूवन आनंदने मानसिकदृष्टय़ा विजय मिळवला.
