22 October 2020

News Flash

नेशन्स लीग फुटबॉल : युक्रेनचा स्पेनवर पहिला विजय

१७ वर्षांतील पहिला विजय

(संग्रहित छायाचित्र)

विक्टर सायगानकोव्ह याने मिळालेल्या संधीचे सोने करत युक्रेनला नेशन्स लीग फुटबॉलमध्ये स्पेनवर १-० असा विजय मिळवून दिला. युक्रेनचा हा स्पेनवरील १७ वर्षांतील पहिला विजय ठरला.

कियिव्ह ऑलिम्पिक स्टेडियमवर जवळपास १५ हजार चाहत्यांच्या उपस्थितीत रंगलेल्या या सामन्यात प्रेक्षकांच्या अभूतपूर्व प्रतिसादामुळे खेळाडूही आनंदित झाले.

जर्मनीची स्वित्झर्लंडशी बरोबरी

स्वित्झर्लंडच्या अप्रतिम खेळामुळे जर्मनीला बरोबरीसाठी संघर्ष करावा लागला. जर्मनीने पिछाडीवरून मुसंडी मारत ३-३ अशी बरोबरी साधली. ५६व्या मिनिटाला स्वित्झर्लंड ३-२ अशा आघाडीवर होता. पण चार मिनिटांनी सर्जे नॅब्रीचा गोल जर्मनीला बरोबरी साधून देणारा ठरला.

ब्राझील, अर्जेटिनाची आघाडी

नेयमारच्या हॅट्ट्रिकमुळे ब्राझीलने दक्षिण अमेरिकेतील विश्वचषक पात्रता फेरीत पेरूचा ४-२ असा पराभव केला. पेरूने ५९व्या मिनिटाला २-१ अशी आघाडी घेतली होती. पण ६४व्या मिनिटाला रिचर्डसनने केलेल्या गोलमुळे ब्राझीलने बरोबरी साधली. त्यानंतर २४व्या, ८३व्या आणि भरपाई वेळेत गोल करत नेयमारने हॅट्ट्रिक साजरी केली. लिओनेल मेसीच्या अर्जेटिनाने बोलिव्हियाला २-१ असे नमवले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 15, 2020 12:21 am

Web Title: ukraine first victory over spain abn 97
Next Stories
1 डेन्मार्क खुली बॅडमिंटन स्पर्धा : श्रीकांतची विजयी सलामी
2 माजी क्रिकेटपटूंच्या मागण्यांकडे ‘बीसीसीआय’चे दुर्लक्ष?
3 इशांत ऑस्ट्रेलिया दौऱ्याला मुकणार?
Just Now!
X