Women’s National Cricket League या स्पर्धेत एक आश्चर्यकारक घटना घडल्याचे पाहायला मिळाले. ऑस्ट्रेलियाची वेगवान स्विंग गोलंदाज मेगन शट हिने एका सामन्यात अफलातून त्रिफळाचीत बळी मिळवला. सोमवारी साऊथ ऑस्ट्रेलिया स्कॉर्पियन्स आणि क्विन्सलँड फायर या दोन संघांमध्ये सामना सुरू होता. या सामन्यात ऑस्ट्रेलियाची गुणवान स्विंग गोलंदाज मेगन शट हिने एक त्रिफळाचीत काढून अनेकांच्या भुवया उंचावल्या. मेगन शटने क्विन्सलँड फायर संघाच्या एका महिला फलंदाजाला अफलातून पद्धतीने बाद केल्याचा व्हिडीओ सध्या सोशल मिडीयावर तुफान व्हायरल होत आहे. मेगन शटने एका इनस्विंग चेंडूवर प्रतिस्पर्धी संघाच्या फलंदाजाला त्रिफळाचीत केले. मेगन शटने चेंडू टाकला. तो चेंडू इन स्विंग होणार हे कळत होते. पण चेंडू कितपत आत स्विंग होईल याचा अंदाज फलंदाजाला आला नाही. त्या महिला फलंदाजाने चेंडू सोडण्याचा निर्णय घेतला. पण तो चेंडू स्विंग झाला आणि फलंदाज थेट त्रिफळाचीत झाली. @megan_schutt #WNCL pic.twitter.com/F1IEb5fyb9 — Statewide Super SA Scorpions (@ScorpionsSA) August 19, 2019 आपण त्रिफळाचीत झालो आहोत हे आधी फलंदाजाला समजलेच नाही. ज्यावेळी त्या फलंदाजाने मागे पाहिले, तेव्हा त्रिफळा उडाल्याचे त्या महिला फलंदाजाला समजले. आपण त्रिफळाचीत झालो आहोत हे समजल्यानंतर स्वत: महिला फलंदाजही थक्क झाला होता.