Video : यंदाच्या विम्बल्डन स्पर्धेत महिला एकेरीत प्रस्थापित सेरेना विल्यम्स हिला पराभवाचा धक्का देत जर्मनीची अँजेलिक कर्बर हिने विजेतेपद पटकावले. तिचे हे पहिलेवहिले विम्बल्डन विजेतेपद ठरले. त्यामुळे पुरुष एकेरीतही पहिल्यांदा विम्बल्डन फायनल खेळणारा केविन अँडरसन इतिहासाची पुनरावृत्ती करणार का? याकडे साऱ्यांचे लक्ष होते. पण तसे न घडता नोव्हाक जोकोव्हिच याने आपले ४थे विम्ब्लडन विजेतेपद पटकावले. या विजयानंतर नोव्हाक जोकोव्हिच आणि अँजेलिक कर्बर या दोघांनाही विम्बल्डनच्या चॅम्पियन्स डिनरसाठी निमंत्रित करण्यात आले होते. त्यावेळी कर्बरला मुलाखतीदरम्यान जोकोव्हिचबरोबर गाण्यावर ठेका धरण्याचा आग्रह केला गेला. कर्बरनेही आढेवेढे न घेता पटकन नृत्य करण्यास होकार दिला. या दोघांच्या नृत्याने साऱ्यांना ठेका धरायला लावला. विम्बल्डनने आपल्या इंस्टाग्राम अकाउंटवरून याबद्दल एक पोस्ट केली असून हा व्हिडीओ चाहत्यांच्या पसंतीस पडत आहे. आतापर्यंत या व्हिडिओला सुमारे १० लाख व्ह्यूज मिळाले आहेत. When the Champions’ Dinner became the Champions’ Dance. . @djokernole @angie.kerber #Wimbledon #tennis #sport A post shared by Wimbledon (@wimbledon) on Jul 16, 2018 at 10:01am PDT दरम्यान, अंतिम फेरीत सेरेना विल्यम्सला अँजेलिक कर्बरने ६-३, ६-३ असे पराभूत केले होते. तर पुरुष गटात नोव्हाक जोकोव्हिचने आफ्रिकेच्या केविन अँडरसन याला ६-२, ६-२, ७-६ (७-३) असे पराभूत केले.
