25 February 2021

News Flash

विजय हजारे करंडक – मुंबईकडून बिहारचा धुव्वा, उपांत्य फेरीत प्रवेश

मुंबईकडून गोलंदाजीत तुषार देशपांडे चमकला

तुषार देशपांडेचे डावात 5 बळी

विजय हजारे करंडकात पहिल्या उपांत्य सामन्यात मुंबईच्या संघाने बिहारचा धुव्वा उडवत उपांत्य फेरीत आपलं स्थान निश्चीत केलं आहे. श्रेयस अय्यरच्या नेतृत्वाखाली खेळणाऱ्या मुंबईने बिहारचा 9 गडी राखून पराभव केला. मुंबईच्या गोलंदाजांनी टिच्चून मारा करत बिहारला 69 धावांमध्ये गारद केलं. यानंतर केवळ एका गड्याच्या मोबदल्यात मुंबईने बिहारने दिलेलं आव्हान पूर्ण करत उपांत्य फेरीत प्रवेश मिळवला.

नाणेफेक जिंकून प्रथम गोलंदाजी करण्याचा घेतलेला निर्णय मुंबईच्या गोलंदाजांनी सार्थ ठरवला. तुषार देशपांडेने बिहारच्या डावाला खिंडार पाडत सामन्यावर मुंबईचं वर्चस्व स्थापन केलं. बिहारचा एकही फलंदाज मुंबईच्या गोलंदाजांचा सामना करु शकला नाही. तुषार देशपांडेला शम्स मुलानीने 3 तर कर्णधार श्रेयस अय्यरने 1 बळी घेत चांगली साथ दिली. बिहारकडून बाबुल कुमार आणि मोहम्मद रेहमत्तुला हे खेळाडू दोन आकडी धावसंख्या गाठू शकले.

प्रत्युत्तरादाखल मैदानात उतरलेल्या मुंबईच्या फलंदाजांनी डावाची आक्रमक सुरुवात केली. अखिल हेरवाडकर आणि रोहित शर्मा यांनी संघाचं अर्धशतक फलकावर लावलं. यानंतर अखिल हेरवाडकर आशुतोष अमनच्या गोलंदाजीवर माघारी परतला. मात्र तोपर्यंत मुंबईने सामन्यावर आपली पकड मजबूत बसवली होती. यानंतर रोहित शर्माने आदित्य तरेला सोबत घेऊन मुंबईच्या विजयावर शिक्कामोर्तब केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2018 5:01 pm

Web Title: vijay hajare trophy 2018 mumbai beat bihar by 9 wickets enters semi final
Next Stories
1 IND vs WI : उमेश यादव-जाडेजाचा भेदक मारा; भारतापुढे अवघ्या ७२ धावांचे आव्हान
2 Ind vs WI : जाणून घ्या दुसऱ्या दिवसाच्या खेळात झालेले 6 विक्रम
3 IND vs WI : मुंबईकर शार्दुलची ‘खडूस’ खेळी; दुखापतीनंतरही उतरला मैदानात
Just Now!
X